五月食堂 (已結業)

一個人的午餐，去咗熟食中心，叫咗個1/2燒雞套餐，無諗過呢個價錢仲可以食到嫩滑juicy 嘅燒雞、又有餐湯同garlic toast, 加多杯野飲都低，CP 值贏晒食店好細心，俾埋膠手套食燒雞❤️下次會想試埋其他野食

今日搵食見到駿業街街市外面有下午茶banner，$32-38金，ok，可以一試。等到2:30pm，掃qr code 落單，叫左吉列蠔豬骨湯搵麵，等左10分鐘就上枱。雖然係餓，不過好唔好食都仲分得出。睇上去覺得細碗，驚唔夠飽，不過湯底好味，食完麵再飲曬豬骨湯，有滿足感。廚房大佬同老闆娘都好客集同禮貌，埋數用八達通。走過陣見到特格時段落單有得平，計落真係好抵食。觀塘好多食店，但試伏試得太多次，真係令人好沮喪。好在食返啲平靚正既鋪頭，就開心返。

平時我都好鍾意喺熟食市場覓食，因為貪佢平靚正，今日呢間餐廳位於觀塘駿業熟食市場一樓，主打食抵食嘅西餐，有牛扒、鹹豬手、吉列蠔等等勁多款可以揀，睇Menu都覺得好吸引，一於決定試吓😋餐廳嘅裝修簡單乾淨，雖然位於熟食市場，但冷氣都好夠涼唔會熱。餐廳用qr code落單，好多菜式可以揀，雖然有啲已經賣晒🥲今日揀咗蜂蜜菠蘿扒燒焗豬仔骨配飯，見到個名都好正！燒焗豬仔骨好大舊，調味唔會死咸唔油膩，酸酸甜甜好好味，配埋蜂蜜菠蘿扒呢啲咸甜嘅組合真係令人胃口大開，好啱夏天食🤩肉同飯份量都超多，性價比真係一流👍🏻而另外叫凍飲只係+$3，真係好抵食😊兩位店主都好友善親切，好nice，下次我都會再黎食，最想試埋佢今日售罄左嘅美國安格斯牛板腱扒🍽️🍽️😍 📍 五月食堂 (觀塘)觀塘駿業街67號駿業街熟食中心1樓40及44號舖

五月食堂 觀塘今日放工同同事去咗觀塘嘅熟食街市食嘢，我哋去OpenRice搵咗呢一間小店形式嘅餐廳，老闆同老闆娘都好好人🥰🥰我哋兩個都食得好飽😆😆🤣🤣叫咗一個燒春雞飯，同埋一個菠蘿豬仔骨飯，兩個套餐都各配一杯嘢飲同埋一個麵豉湯，份量亦都好足夠🥰仲有一啲沙律伴菜😆😆💕菠蘿豬仔骨燒得好香口，唔會太煙靭，仲有肉汁！！而燒春雞份量亦都好大，雞皮外脆，肉質嫩滑，非常唔錯😋😋😋🥰🥰

滴晒雞汁嘅燒春雞餐先$45蚊，怒啪落去啦🔥！・・・・・・・・・・・・・・・・・・・・🐤 五月皇牌燒春雞1/2隻配薯角 HK$45 (外賣+$2)・味道：嘩～隻雞滴晒汁，醃得入味唔會過鹹。雞皮都唔好厚有拉扯感，滿滿雞油香😈！薯條就失色啲，因為辣粉太少得幾粒，冇咩味😐。個黑松露蘑菇汁好香～・口感：隻雞少少鞋口位都搵唔到，火候控制啱啱好👍，掂。但薯條唔脆😐。個汁偏浠但夠味，其實係浠身汁底配打碎蘑菇，浠中帶顆粒感XD・・・・・・・・・・・・・・・・・・・・🤰性價比：高～🤰9衝度：9衝～🤰結論：絕對有下次😎不過男仔食份量可能有啲唔夠，女仔食就夠～・・・・・・・・・・・・・・・・・・・・

五月食堂嘅手磨黑椒蒜片一口牛柳粒飯配番日式燒汁，真係好正呀，佢哋用咗好嘅牛柳粒，煮得好juicy，一入口就即溶，再加埋新鮮嘅手磨黑椒同蒜片，味道香濃，仲有番日式燒汁，令味道更加豐富，真係好好味。

版門扒餐肉質鮮嫩，搭配上醬汁非常美味；炸蠔外皮酥脆，蠔肉鮮美，非常開胃。整個用餐體驗非常舒適，服務員總是微笑著接待客人，非常友善和熱情。如果您正在尋找一家好的食店，我強烈推薦「五月食堂」，您一定會享受到版門扒餐和炸蠔的美味。

60幾蚊食到咁既質素真係抵到爛啦 老闆娘又friendly又人情味，賣相又靚抵食！一個炸蠔8蚊隻超有蠔味。個燒雞有好多汁選，隻隻汁都咁好食，隻雞好juicy一啲都唔乾。最重要有得加飯，幾大食都食得飽。

想幫佢哋平反返上面comment 9成9同行攻擊啦$60牛肉飯絕對對得住 有牛肉味 有汁唔會太硬 適中呢啲人情味小店買小見小支持下啦同埋燒雞又係物超所值講真$60你唔係期待A5和牛啦😂

第一次嚟觀塘熟食中心。諗住呢度競爭激烈，生存得到，應該生意同質素唔差。試咗個安格斯封門柳有渣。黐曬牙😔。真係有啲失望。其實冇理由會有渣。下次如果順路經開寧願試第二間。

叫左個 $59 個安格斯牛肉糖心蛋飯，要自己用qr code 落單，等左起碼有15mins 碗飯先到。估佢應該即叫即煮。牛肉勁韌，多筋，又薄，份量又少，牛肉得4塊，2塊得十蚊紙一半的size 左右，另外兩塊得$5 銀咁細的牛肉。完全冇牛肉味，未食過咁難食的安格斯牛肉，麥記的安格斯都好食過佢。 凍茶可樂要沖嘅要+$3 ... 開左冷氣等於冇開。。等等。。。。。但仍然有好多人排隊，完全唔理解 .. 其實觀塘有好多好食又平過佢的餐廳。本人不推介去呢度食，而且不會回頭幫親 !

係觀塘唔知食d乜就走左入駿業街熟食中心揾野食，見佢裝修雖然普通但坐落都算舒服仲有wifi添，叫左個封門柳烏冬食，d肉係好食嘅，烏冬都爽口，仲有湯送，呢間都ok嘅，係個烏冬細碗左d

觀塘真係好多好野食，今日發現駿業街熟食市場上面搵到間正野，呢個間五月食堂有好多唔同種類野可以食，樣羨樣都好吸引ar 我地叫左兩個午餐其中一個係 #牛油果然羅勒醬青醬雞肉意粉，🥑牛油果好creamy ， 意粉配羅勒醬青醬無得輸啦，原來牛油果同青醬都幾夾，好香💕不過唯一小小挑剔係，可能佢地真係太多客，得返雞胸肉， 同過熟左少少，變左少少乾，但個味係好好食既 😏另一個就呢道主打🐥 #五月招牌燒春雞 #半隻 配蒜蓉牛油鮮檸檬汁呢個真係超好味，首先個雞，春雞得黎都唔算太細隻 ，仲要都幾厚肉，勁貼心俾埋手套，一摵開係勁勁勁JUICY，好多肉汁流出黎，個雞肉勁滑又入味， 本身唔點個汁都己已經好好味，食到膩膩地，點返少少汁黎食，即刻fresh 返，好好味，個秘製汁要黎點雞同撈意粉都好好味，好夾， 仲要咁大份量都係 $58 ，超級推介，真心正💕💕💕💕💕兩個午餐都有附送一個煎餃子，同麵豉湯，同飲品，真心正，價錢貼地，又好高汁，掂五月食堂 (觀塘)觀塘駿業街67號駿業街熟食中心1樓40及44號舖#foodie #hkfoodie #eat #food #kwuntong

之前已經到這裡食過一次，覺得幾好食，價錢又唔貴，於是今日再encore。今次分別叫了一個原隻德國脆皮鹹豬手配意粉跟蒜蓉牛油蘑菇汁、黑椒薄燒牛舌飯伴糖心蛋及椒鹽炸粗曲薯條伴黑松露芝士汁。先講隻德國鹹豬手，真係超大隻，而且皮脆肉嫩，食落去唔算好鹹，啲肉都好香，而個蒜蓉牛油蘑菇汁都唔錯，配埋豬手嚟食幾好。而個牛舌飯，有啲和風感覺，牛舌因為係薄切，所以唔韌，反而啲芝士濃咗少少，變得唔係太重牛味。最後到個炸薯條，真係即炸即上枱，而且係粗薯條，食落去外脆內軟，點個芝士汁嚟食唔錯。整體嚟講係一間唔錯的小店，而且老闆娘好友善，對客人好有禮，雖然間舖就無乜裝修，但以食物同價錢嚟講，佢都算幾抵食，值得推薦

成日經過駿業街熟食中心，今次終於入去睇吓有咩食。入面其實都幾多食店，見到這間「五月食堂」，個餐牌同門面都幾吸引，於是入去試吓。先講店舖裝修，一定唔係五星級，但同以往去過啲熟食中心食肆唔同，呢度個環境都算幾乾淨。一入到去，相信應該係老闆娘，服務很好，馬上遞上餐牌，見到都幾多選擇，分別叫了個燒春雞餐、無骨咸豬手意粉、鹽燒多春魚同天婦羅軟殼蟹。落咗單之後，即刻送上兩碗湯同煎餃子。碗湯都幾清甜，而隻餃子就正常。，到個正餐方面，隻燒春雞啲肉都幾嫩，同埋都幾香，薯角就熱辣辣，個蒜蓉牛油鮮檸檬汁用來點薯角食其實都唔錯。而無骨咸豬手意粉，啲肉食落好香，皮好脆，唔韌，正。小食方面，鹽燒多春魚又係好脆，而且唔算太鹽，幾好食。天婦羅軟殼蟹就幾大隻，點上沙律醬唔錯，再加上伴碟的生洋蔥一齊食，味道會變得更加濃。整體嚟過間餐廳唔錯，可以再來一試其他食物。