不苦

營業中

休息中

不苦 Buff.前一兩年，深水埗一帶進駐咗好多咖啡店，每逢星期六日都排晒隊。而家熱潮減退了一點，唔需要大排長龍，小編就去深水埗一帶chill下，支持下唔同既咖啡店！.🔥冬蔭大蝦蜆肉貓耳朵 Tom Yum Prawn Orecchiette $115 ⭐️8/10⭐️冬陰功味濃，應該有嘅酸同辣味都有，兩隻大蝦爽口冇乜雪味，蜆肉嘅份量亦比得多，貓耳朵煙靭度啱啱好，整體好食！.🔥安格斯布里歐漢堡配薯條 Angus Beef Brioche with fries $115 ⭐️6.5/10⭐️呢個漢堡包有少少失望，漢堡包非常細個，安格斯肉質比較乾身，唔夠juicy，反而最好食係布里歐麵包，有口感，非常鬆軟，但有dd燶！另外沙律薯條份量充足，薯條亦香脆！.🔥摩卡咖啡 Mocha $46 ⭐️8/10⭐️香濃既黑朱古力味，唔會太甜，係小編鍾意嘅口味，係拉花爭少少！.⭐️總結：除咗個漢堡包，味道係唔錯，你呢一區黎計，價錢相對有少少進取。.

🍰.平時好少出深水埗區，今次就去咗一間室內寵物友善餐廳 — 不苦☕️ 佢哋嘅裝修令人好想一直坐係到唔走，因為太舒服，簡單嘅木系傢俬仲可以同狗狗打下卡📸.☕️ 熱朱古力咖啡 $46佢哋沖得唔會太甜或太苦，仲好鍾意佢哋上面嘅拉花，可能因為平日，所以咖啡師好有心機咁拉咗一隻海馬圖案🖼️.🍎 蘋果花茶 $55非常之鮮甜，飲落去好舒服，同出面嘅餐廳一樣可以飲完之後加熱水☺️.🍝 明太子意大利麵伴香煎帶子 $128好足料嘅明太子，帶子亦都好大粒，份量仲要啱啱好，仲好好食😋.🍔 安格斯布里歐漢堡 $125｜甜番薯條 + $10漢堡包好大份，好鍾意佢份漢堡，好好味，又有薯條又有沙律🥗 個人即時感覺飲食好均衡🤣.🌼 桂花烏龍巴斯克 $58好少會食到桂花烏龍味嘅蛋糕🍰 但呢到有就即刻叫一份，唔會太甜，仲好甘香😌 嚟到一定要試試👍🏻.🍵 焙茶巴斯克 $58個人而言有點甜，不過鍾意甜品嘅朋友仔不妨試試，因為甜得嚟又有培茶嘅香味係好夾，只係個人習慣食少甜食物🤣.建議大家可以平日嘅時候去，因為唔知道週末會唔會好多人，openrice都無電話可以網上booking，所以大家想去打卡就搵平日去☝🏻😉Max 5️⃣🐽味道 🐽🐽🐽🐽

平日係旺角做完yoga,都會係附近搵啲好打野食獎勵下自己。 今日就搵咗間高人氣近太子站嘅咖啡店想chill番個下晝佢😎🍝慢煮雞胸青醬意大利麵（$105）Pasta好creamy好多汁，雞胸都有兩大舊，不過味道就不過不失啦，我預期嘅青醬係有濃郁嘅香草同蒜香味，佢呢個pasta呢兩款味反而唔係好出🫠而雞胸都係普普通通，咬落口唔會好硬，但都無話好入味咁😕☕️橙啡（$55）橙啡唔係好多咖啡店有得飲，入口都幾特別，橙汁加咖啡好開胃，味道都好balanced，唔會過酸或者過苦😗今餐埋單都要$160，個人認為性價比唔係太高🫣

搬咗去附近，襯放假日試吓呢間日系咖啡店，入到去未諗到食乜好，望下隔離兩枱都有order 窩夫，賣相好似幾吸引，－於照跟。小山園抹茶窩夫窩夫外脆內軟，抹茶味好香濃，不太甜，忌廉輕盈好香，紅豆蓉都ok好夾抹茶窩夫，仲配有雪糕一凍一熱，組合有心思，份量都好大，一個人正常應該食唔晒，最好可以開心share，再食埋呢度嘅homemade Scone，就十分滿足😌Lime Espresso Tonic飲落去有啲花香，有青檸味，唔會苦，好夾Tonic，好易入口好滑好清爽。甜品有水準，坐得舒服，食物價錢屬合理水平。

約了朋友行街，就預約了這裡傾下偈，食個下午飯。早左到，但好彩等左一陣就可以入座。寵物友善餐廳，當日仲有人帶狗狗，很可愛的狗狗。我兩個女士叫了一飯一意粉，再加多個炸蠔。每人一杯dirty. 我哋仲走左冰份量足，所以兩位好滿足！————————我是相片分隔線————————南瓜意大利飯—依個好食，但會好飽肉丸意粉，肉丸唔錯，意粉可以炸蠔，係最好食依杯都好飲其實見隔離好多枱都叫芝士薯條，但已經太飽了。下次有機會再試過。

有一日經過太子見到一間幾靚嘅Cafe boomark 左。早兩個星期終於有機會試試。Cafe用左木系簡約設計，配合南楓樓嘅懷舊小型拉閘，好吸睛。Cafe 外有打卡位。天氣涼啲嘅時候坐係出邊都幾chill。值得一提，Cafe對面有間Salon都係打卡位黎架。🍝明太子意大利麵伴香煎帶子 $128用左扁意粉配上明太子醬同煎香左嘅帶子。比較少見係上邊配左一啲木魚碎。帶子都幾大隻。但係明太子醬味道就唔係好出。份量都算正常。😺冬蔭大蝦蜆肉貓耳朵 $110經常都會被冬蔭公嘅食物吸引，其實本身今次係想食佢嘅冬蔭公雞翼，不過已經轉左menu。呢碟貓耳朵都煮得幾冧。不過佢嘅冬蔭公味令人失望。一啲都唔夠酸辣。不過隻蝦都幾大隻。🐥明太子釀雞翼 $70味道還好。不過$70/3隻性價比都有啲低。🍵小山園抹茶拿鐵 $58🫖蜜桃烏龍茶 $55味道不錯，不過價錢都係偏貴。總結，CP值比較低。食物味道一般。打卡還好。雖然係動物友善餐廳。但係狗仔只可以坐門外。咁熱嘅天氣我作為狗主都不會考慮。

星期日起咗身冇野做，同老公撐枱腳，去食個晏，去到時都唔多人，音樂都柔和，不過店內得一個人收銀同沖咖啡，都好忙，要自己去櫃位攞Menu，自己買嘢食，自己搵位，不過之後都會有人送野食黎，侍應哥哥都幾有禮貌。老公叫咗個炒蛋質感不錯，頗Juicy，入口香滑。香菇、香腸和豬肉味道還好，有水準。只係吐司面包太硬，影響整體感覺。我就叫咗個三文魚班尼迪，都係個包太硬，如果佢脆啲會好好多，三文魚同班尼迪都ok。價錢方面，Cafe黎講，都尚算合理嘅，如果去嘆同坐耐啲就呢個價位係可以接受，不過我哋純粹醫肚就覺得稍為貴小小，同假日冇set，要另叫野飲，野飲就都$50以上，所以都冇叫就走咗

朋友推介呢間日系裝修cafe，menu有主食有甜品選擇算多，決定試－試。慢煮雞胸 青醬意大利麵 青醬味好突出，唔算油膩 ，好青新，慢煮雞胸 好滑 一啲都唔老，好軟滑，配料有焗大啡菇作伴，平時好少鍾意食雞胸，今次係滿足，有誠意。咖啡師推介期間限定甜品及手冲咖啡。小山園抹茶窩夫，窩夫係即叫即煮，等候15分鐘左右，除濃濃抹茶香味甘甜外，窩夫面頭少少脆，內裡少少軟我好鍾意，再配有自家製奶油、紅豆及豆腐雪糕，完美配搭手冲咖啡，選擇了期間限定來自荷蘭咖啡豆選擇，咖啡師正常發揮，好飲。😍😍感覺整體OK ，Tea time 有飲品半價優惠，同區咖啡店比較算抵。性價比高，值得推介😊

突然之間想食漢堡包，行咗深水埗區幾間附近咖啡店，都沒有，就決定入不苦。入到去二話不說 order安格斯牛漢堡及latte。上枱見漢堡超靚，漢堡扒生熟程度剛剛好，不會過生也不會過熟，肉質鬆軟，好juicy，加上半熟芝士及生菜蕃茄，個包尤其好食，薯條應該係即叫即炸，好熱好趣，正😋。latte味道唔錯，拉花好靚。🥰🥰另外朋友食煙三文魚孫總麵包，擺盤好靚，份量好大碟，下次有機會我都想試吓。餐廳環境好舒適，座位闊落，好啱同朋友傾偈，價錢合理，一定會再訪

今日30幾度中午時份出左太子去左大南街附近，有啲肚餓，所以就諗住喺附近搵嘢食。反正一直都想去大南街的 coffee shop, 行吓行吓去到楓樹街的不苦，見環境不錯，落地玻璃，舖內光線充足（最怕係”黑嫲嫲”的咖啡店），於是入去睇睇有乜嘢食。望一望Menu, 發現這裏的飲品選擇好多，有咖啡和非咖啡飲品。咖啡除咗一般的latte､cappuccino、American、expresso 外，我還是被Menu上的精品咖啡吸引著，精品咖啡係一般大連鎖店是沒有的，所以最後我點了一杯Lime Expresso Tonic試吓，食物方面我就揀咗煙三文魚水波蛋酸種包。坐下不久，我的Lime Expresso Tonic到了，淨係看樣子已經覺得好自瘉，有兩層的，先飲兩啖試吓，是我喜歡的，冇諗到青檸和咖啡可以咁夾，價錢$58合理 （平時係連鎖店唔飲一杯普通嘅咖啡都要$4x)。再過咗一陣，重頭戲就嚟了：煙三文魚水波蛋酸種包。 首先份量真的頗大，整個碟都放滿食物，份量比出面食的大，就算我今早冇食早餐，當brunch 食都綽綽有餘，味道方面冇得輸。沙律菜新鮮伴黑醋汁，正😋，沙律份量也不小。先切開第一隻水波蛋，超

～** 自家製肉丸蕃茄意大利麵 $95** ～扁意粉嚟嘅，茄醬味道幾好，上面茄子翠玉瓜等都煎得幾香口，軟硬適中，係肉丸味道差少少。～** Latte $42**～不過不失，同後面大南街嘅大部份咖啡店水準都差唔多。是日陽光幾好，店入面又係落地玻璃為主，感覺開揚舒服，休息左陣，成個人精神晒。不過意粉等左20幾接近30分鐘先有，可能因為平日得兩位店員，如果一個去左用膳嘅話，另一個人就要同時負責晒咖啡同廚房，所以趕時間嘅應該會覺得上菜太慢。

大南街一帶有多間文青咖啡室，呢間大間但唔會排隊，入嚟試試。叫一份水波蛋酸種麵包已經$85 第一次食到全熟實心水波蛋……一心想蛋汁同麵包一齊食笑，好失望。因為無麵包套餐加上咖啡百幾蚊，咖啡唔算特別好飲。無下一次

店主好求其，有人入黎就話隨便坐但係坐滿左又唔知。啲野唔好食，嗌左個冬陰功貓耳朵啲蝦唔新鮮意粉都唔彈牙，調味一般。另外嗌左個buff’s breakfast ，$120俾塊急凍魚柳，啲魚好鬆散沙律醬又得一啖，要節省成本都唔洗慳埋個少少醬掛。蛋無味炒得太熟，同埋sourdough一齊食就變左乾上加乾。大啡菇同埋面頭個芝士都凍到硬左好似擺左好耐咁。成份餐上枱已經唔熱。最後講埋咖啡，拉花幾好，但係個尾韻好苦唔好飲。結論：唔洗曬錢黎。

Cafe位於大南街和楓樹街交界,配以木系裝修🪵門口位加上「大南街」的通花牌裝飾🚪每個角落都是打卡位📸▫️ 冬蔭公大蝦貓耳朵 ($108)冬蔭公辣度適中, 酸酸辣辣十分開胃🤤建議唧埋青檸汁落去!! 大蝦蝦肉軟嫩彈牙🦐貓耳朵好有咬口, 醬汁更易被沾上麵上,每粒都好入味😸▫️Buff’s Breakfast ($128)有大啡菇, 炒蛋, 香腸, 炸魚柳,酸種麵包同沙律菜🥙All day breakfast 黎講分量唔算多,如果有埋番薯條同牛油果會更好☺️個包有啲硬🥖整體來講不過不失♥️

行開呢頭又搵唔到有咩食，終於喺OpenRice度搵到呢間Cafe。一行到去裝修好有格調，店名好似隱藏咗係啲裝飾度咁，有少少神秘感。入到去係日式風格嘅裝修，幾啱打卡。今日黎到係星期日，人流唔多，坐得幾舒服，幾適合同朋友一齊喺度閑談。睇餐牌似乎冇套餐叫全部都要散嗌，叫咗個all day Breakfast，價錢偏貴，已經要百幾蚊，叫埋嘢飲嘅話要正價就會仲貴。食物嚟到個賣相都唔錯，食落一般般冇咩驚喜，麵包偏硬。 總括而言，呢間餐廳幾適合黎打卡吹水，但性價比唔高。