金麥泰泰國菜館

營業中

休息中

本人的九龍城泰菜集郵拼圖原來尚餘這其中一塊，之前較多在城南道遊走，是次換換角度去南角道。服務是爽快，下單清晰。期間不斷有剝掉的蟹殼放骨碟，不斷會有侍應清走。燒豬頸肉不特別出眾，稍略嫌太厚切，口感堅實少了平時斜切片薄那種爽口感。泰式炸蝦餅是燙口入心的熱騰騰，輕脆，味道還未到心中首一，因蝦味未夠。選擇比一般泰菜稍多變奏，例如咖喱炒蟹分肉蟹或羔蟹（當晚只有肉蟹選，但狀態不俗很好肉、蟹蓋蘊藏頗厚的羔）、生菜包可選雞肉（比平常的豬肉碎稍大顆，較淡味）、除菠蘿焗飯外還有椰青焗飯⋯⋯以罕見度或好奇度，在幾碟菠蘿焗飯在店內遊走下遇是選椰青。十數分鐘後，椰青焗飯幾乎是以巨型甜品的姿態出現，鞏起的飯山面覆蓋幾近似半溶雪糕球的椰漿，頂層再灑上幾抹肉鬆，造型討喜吸引其他食客眼球。炒飯的配料簡單有青豆、椰子肉、鮮蝦，椰青水煮的白飯，混和濃郁的椰漿一半飯一半汁的每匙送進口，沒過滯的飽膩感，竟還有點開胃。頃刻，瞥見一個個被吃罷內攏的空菠蘿殼被小心翼翼送至廚房而非廚餘桶，內心不禁浮現菠蘿炒飯的菠蘿殼被食肆重用的都市飲食傳說的迷思，感到此舉煞是耐人尋味⋯⋯趕緊朝吃罷的椰青殼內看一下究竟，見疑似是用小刀或刨刮椰青肉的痕迹

九龍城係泰菜集中地，平時好少去，但係屯馬線開通之後去就好方便😎今次試咗呢間位於南角道，即係宋王臺B2出口嘅同一條街嘅金麥泰泰國菜館。餐廳裝潢以木色為主，簡單得嚟富有泰國傳統特色。基本上keep住滿座，好彩我哋比較早到先有位😙泰式生蝦刺身好新鮮，生蝦肉質非常爽口彈牙鮮甜。點埋酸辣海鮮汁兼連埋生蒜片一齊食，更加可以帶出鮮味😋泰式燒豬頸肉燒得香口，薄切唔會韌，點埋醬汁食就更惹味。泰式炸蝦餅份量都幾多，6⃣️大舊一開2⃣️，有成12塊，每件嘅外表都炸得酥脆，蝦膠非常彈牙又有蝦味🤤泰式青咖喱雞只係微微辣，但🈶️香濃香草同椰汁味，口感順滑，送飯一流。泰式炒粉絲係我每次都必點嘅主食，睇落簡單但係材料好豐富，有雞蛋有肉有菜粉絲又彈牙。青檸梳打青檸味十足，酸酸甜甜加埋d汽，解辣又解渴😌

九龍城嘅泰國菜館開到成行成市，而自從屯馬線開通之後，去九龍城就更加方便，今日朋友就揀咗呢間金麥泰泰國菜館。都係果句，去食泰國菜一定要叫泰式炸蝦餅，而呢度嘅炸蝦餅我夠膽講係我食過嘅泰國菜館之中最抵食嘅一間，冇諗過呢個價錢可以有足足12件，而且係新鮮炸起，粒粒彈牙，性價比極高！泰式串燒價錢都唔貴，仲可以逐串揀，任你組合，我就揀咗雞全翼($18)、牛肉($14)、豬肉($12)、雞肉($12)，我自己就覺得雞翼同雞肉最好食，而佢嘅沙嗲醬都好香好夾。其實我本人次次淨係識叫菠蘿炒飯，今次係第一次試泰式椰青焗飯，原來係咁好食，炒飯底入面有海鮮同三色豆，而且已經混入咗椰漿，面層再有充滿椰青肉嘅厚厚一層椰漿，稍稍焗過之後再灑上豬肉鬆，真係啖啖充滿椰子嘅香味，而且仲要好大份，入面嘅炒飯真係深不可測，好不容易先挖得到落底部，呢個椰青炒飯絕對值得一讚！泰式馬拉盞通菜辣度適中，份量十足就唔使多講，混入咗馬拉盞嘅通菜十分香辣，非常惹味。雖然唔算好辣，但始終食辣嘢就會想飲吓凍飲，叫咗珍多冰($22)同龍眼冰($20)，兩杯飲品都真材實料又唔會太甜，食咗辣野飲番杯真心正！食泰國菜甜品揀芒果糯米飯是常識吧，呢度嘅芒果