影片
更多
2021-12-28
1158 瀏覽
由於要幫一位好有taste嘅朋友慶祝生日🥂，兩個月前已經book定呢間環境非常之靚嘅米芝蓮一星⭐法國餐廳🤭。呢間餐廳位於中環PMQ入口處，分左兩層，下層有outdoor飲野區域+indoor dining area, 上層係半戶外嘅 dining area。 Outdoor area用左大量植物同燈飾佈置，夜晚好有情調，而且出面係PMQ平台花園，比較寧靜，好適合傾計。今次坐嘅係下層 Indoor area， 係復古法式裝修，暗黃燈光加上帶粉色嘅熱帶風情牆身，好適合作為影相背景☺️。 ♥️Roasted Hong Kong yellow chicken, Niigata rice 'en cocotte', salad （$1288）餐廳招牌菜之一，香烤本地黃雞拌日本新潟米燉飯，係加入香港飲食元素嘅一道法式料理。 製作時間需要50分鐘，所以如果要試就第一時間嗌定啦😆。呢道菜包含全隻烤雞、雞油飯同沙律，份量足夠4個人食。首先會全隻雞上桌比客人影相，然後侍應會再攞入廚房分件。 烤雞色澤金黃而且均勻，雞皮薄脆，雞肉近腿部關節位尤其嫩滑，咬落去會有肉汁慢慢滲出🤩。個人覺得同中式脆皮燒雞嘅分別在於牛油
Outdoor area用左大量植物同燈飾佈置，夜晚好有情調，而且出面係PMQ平台花園，比較寧靜，好適合傾計。今次坐嘅係下層 Indoor area， 係復古法式裝修，暗黃燈光加上帶粉色嘅熱帶風情牆身，好適合作為影相背景☺️。
♥️Roasted Hong Kong yellow chicken, Niigata rice 'en cocotte', salad （$1288）
餐廳招牌菜之一，香烤本地黃雞拌日本新潟米燉飯，係加入香港飲食元素嘅一道法式料理。 製作時間需要50分鐘，所以如果要試就第一時間嗌定啦😆。
呢道菜包含全隻烤雞、雞油飯同沙律，份量足夠4個人食。首先會全隻雞上桌比客人影相，然後侍應會再攞入廚房分件。 烤雞色澤金黃而且均勻，雞皮薄脆，雞肉近腿部關節位尤其嫩滑，咬落去會有肉汁慢慢滲出🤩。個人覺得同中式脆皮燒雞嘅分別在於牛油同香草味較濃郁，烤雞皮下脂肪唔多，食落冇咁油膩但依然充滿肉汁。
飯係用法式燉鍋烹调，飯粒圓潤飽滿，加入雞油、脆雞皮同蔥花，有淡淡嘅油香同飯焦香，食落口感爽脆。如果同港式煲仔飯比，呢個雞油飯嘅調味較清淡，香氣主要由脆雞皮同雞油帶出。
♥️Angel hair pasta, Kristal caviar, black truffle, kombu （10g $488）
另一道餐廳人氣之選－魚子醬昆布松露天使麵。天使麵係凍食嘅，麵嘅質地比較有彈性，調味酸酸甜甜好開胃，配上10克法國晶鑽魚子醬。 但天使麵份量偏少，我覺得一個人都食得曬😝，所以人多的話就只能淺嘗了。
♥️'Grand cru' chocolate （$158）
係濃厚朱古力雪糕、朱古力脆脆加餅底，個人覺得有點漏，而且味道唔太驚艷。不過朱古力控可以一試。
♥️Mango and passion fruit Pavlova, Tahiti vanilla ice cream （$158）
外面一粒粒同一塊塊嘅係蛋白糖，中間係雲呢拿雪糕，上面有熱情果同芒果做嘅cream,加上新鮮芒果粒，味道清新。
♥️Madeleine
法式貝殼小蛋糕，形狀同色澤都好靚，外脆內軟，好香牛油味。
♥️Canele
傳統法國甜品，外層有焦糖，咬落脆脆地又好煙韌，裡面有冧酒嘅香味。
整體食物質素唔錯，餐廳環境非常雅緻，但食物份量普遍比較少（烤雞除外）。甜品方面，個人認為傳統法式甜品 Madeleine同Canele做得比較出色。如果係慶祝特別日子或者對用餐環境要求較高嘅朋友，可以諗一諗🤭。
張貼
