旭

營業中

休息中

Kyoku

4.5

4.5

136 食評

味道

環境

服務

衛生

抵食

|

18359

銅鑼灣

$801以上

日本菜鐵板燒壽司/刺身廚師發辦

116

4

4

Muimui TKO

等級4

247

0

環境5分：銅鑼灣日本菜餐廳，地舖超大，有壽司大枱同鐵板燒大枱同埋房，不過Omakase一定要响壽司吧食先最享受同興奮，可以畀五分。衛生5分：地方好乾淨企理，光猛衛生，一樣畀五分。服務5分：師傅同樓面服務員都好好招呼，師傅續樣魚生介紹，生磨Wasabi顯得非常專業，樓面不斷加熱茶，效率高，服務滿分。味道5分：（萩：HK$1,680/位）1) 前菜拼盤：白螺用汁煮過特別入味，螢光魷魚送酒一流，昆布煮豆腐好開胃。2) 漬物有牛蒡粒，蘿蔔，蕎頭，薑，不斷refill最開心。3) 北海道最出名兩種海鮮，海膽同毛蟹，加埋一齊食非常鮮味，口感豐富到爆炸。4) 梭子魚魚皮燒過加埋Ｄ魚油特別香。5) 炸天婦羅立魚白子用紫蘇葉包住，好嫩好軟好滑好香。當做香魚香口有回甘，連Ｄ細骨頭吞落肚好野味。6) 白象拔非常爽甜，細細兩片點海鹽非常好食。7) 眼見師父一條長長嘅大拖羅攞出嚟，切走有根嘅部分，然後最好嘅部位就畀你放入口，非常細心。大拖羅溶响口，冇得輸。8) Season沙甸魚切碎細粒，加埋塊非常爽脆嘅紫菜一齊食，超級好食。9) 鮟鱇魚

更多

環境5分：
銅鑼灣日本菜餐廳，地舖超大，有壽司大枱同鐵板燒大枱同埋房，不過Omakase一定要响壽司吧食先最享受同興奮，可以畀五分。

衛生5分：
地方好乾淨企理，光猛衛生，一樣畀五分。

服務5分：
師傅同樓面服務員都好好招呼，師傅續樣魚生介紹，生磨Wasabi顯得非常專業，樓面不斷加熱茶，效率高，服務滿分。

味道5分：（萩：HK$1,680/位）
1) 前菜拼盤：白螺用汁煮過特別入味，螢光魷魚送酒一流，昆布煮豆腐好開胃。

2) 漬物有牛蒡粒，蘿蔔，蕎頭，薑，不斷refill最開心。

3) 北海道最出名兩種海鮮，海膽同毛蟹，加埋一齊食非常鮮味，口感豐富到爆炸。

北海道海膽同毛蟹

4) 梭子魚魚皮燒過加埋Ｄ魚油特別香。

5) 炸天婦羅立魚白子用紫蘇葉包住，好嫩好軟好滑好香。當做香魚香口有回甘，連Ｄ細骨頭吞落肚好野味。

天婦羅立魚白子同當做香魚

天婦羅立魚白子同當做香魚

6) 白象拔非常爽甜，細細兩片點海鹽非常好食。

7) 眼見師父一條長長嘅大拖羅攞出嚟，切走有根嘅部分，然後最好嘅部位就畀你放入口，非常細心。大拖羅溶响口，冇得輸。

8) Season沙甸魚切碎細粒，加埋塊非常爽脆嘅紫菜一齊食，超級好食。

9) 鮟鱇魚肝食落非常甜味，無果種奇怪嘅內臟味道，因為經過時間烹調，非常有心機煮嘅菜，同出面食嘅完全唔同。

10) 兩大片鹿兒島A5和牛配上濃味嘅牛骨湯，估唔到一心專攻壽司嘅日本餐會加埋名貴和牛，想法真係一流。

鹿兒島A5和牛配牛骨湯

鹿兒島A5和牛配牛骨湯

11) 左口魚壽司爽甜，配埋已經調好味嘅壽司飯，醬油都唔使點。

左口魚壽司

12) 針魚壽司好爽好彈牙。

13) 赤鯥魚壽司新鮮好肥美。

赤鯥魚壽司

14) 平靜魚壽司煙燻過好香濃但唔俗，第一次食好特別，一試難忘。

平靜魚壽司

15) 鳥貝壽司超級爽脆多汁。

16) 深海池魚壽司好爽身，夠厚好有口感。

深海池魚壽司

17) 車海老拆開嘅時候仲喐緊，證明非常非常新鮮，隻蝦超級彈牙同鮮甜。蝦頭炸到脆卜卜，連殼都食埋。

車海老壽司

炸車海老頭

18) 兩層拖羅層層疊咁造左件壽司好軟滑，味濃好鮮。

19) 再嚟海膽壽司，幾片海膽搭到高高的，睇落非常震撼，食落更加唔使講。

20) 拖羅蓉手卷感覺上拖羅蓉仲多過Ｄ飯，配超級爽嘅紫菜，包住嚟食非常滿足。

拖羅蓉手卷

21) 個湯飲落並不是一般嘅麵豉湯，感覺上好似用左好多魚淆埋好濃嘅魚湯，中日合璧嘅感覺係超級好好飲。

22) 焗蛋好鬆唔會太甜，食埋個好light嘅紅豆綠茶奶凍甜品，就完成今晚咁豐富嘅omakase。

紅豆綠茶奶凍 + 焗蛋

抵食5分：
二千蚊唔使就食到米芝蓮嘅日本餐廳，超過20個item，樣樣新鮮時令季節性，師父有心機樣樣解釋清清楚楚，感覺非常抵食。

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐日期

2021-04-15

用餐途徑

堂食

人均消費

$1850 (晚餐)

推介美食