Lo Spazio (已結業)

呢段時間，香港人生活得都好苦悶，唔夠口罩但又驚買咗黑心口罩，想話去郊區呼吸新鮮空氣，但原來仲多人過市中心。所以我哋搵咗間小店餐廳，嚟到銅鑼灣嘅Lo Spazio，食吓西餐，輕輕鬆鬆度過我同A姐嘅某一個晚上。酥炸雞柳條前菜叫咗酥炸雞柳條，雞柳一向都比較嚡，但攞嚟炸咗之後，脆口咗同香口咗，即刻加晒分，配上自製嘅沙律醬，好惹味。燒烤慢煮牛舌牛舌經過炭燒慢煮，厚切嘅牛舌肉汁被鎖住，肉質軟腍彈牙，帶有濃香牛肉味，肉汁豐富juicy！海陸意大利飯每個人嘅海陸定義都大不同，而呢間餐廳嘅海陸意大利飯嘅海陸係指蝦同豬肉，豬肉用嘅係五層肉，豬嘅油香混入意大利飯，特別香滑，而意大利飯好creamy，唔錯。白酒大蜆扁意粉飯就creamy，所以意粉方面，揀咗個乾身啲嘅白酒大蜆扁意粉，扁意粉蒜香味十足，而大蜆粒粒都好飽滿，好豐富呀。布朗尼新地甜品方面揀咗布朗尼新地，同A姐開心share，雲呢拿雪糕淋上朱古力漿，加上微暧嘅Brownie，直頭係冰火交融。最後叫咗杯Cava香檳作結。（記住Like同Share畀朋友）By A姐M佬 玩樂日記