影片
更多
2018-06-26
1211 瀏覽
好幾次食完晏經過，都見到呢家壽司卷物店「Chotto Maki 」都堆滿食客，因為門口都有餐牌，所以，就停落嚟睇睇，款式都頗為特別。近排正值俄羅斯世界盃，早場開8:00pm，食得多薄餅，不如睇住世界盃，食住卷物，都喺個唔錯嘅選擇。溫馨提示，店家收7:00pm，所以，有買趁手。餐廳唔止主打外賣，亦可以堂食，而且，環境都唔細，樓底高，裝修帶點時尚風，然而，餐枱都喺啲高腳枱櫈，未必個個人都鍾意。餐廳都喺採自助形式，入門口無耐有個凍櫃，有啲飲品、預先製作好嘅壽司卷拼盤，不過，臨近收工，啲拼盤都所餘無幾。此外，餐紙、筷子、醬油、芥末都放晒晌一角櫃上，自由取用。如方便嘅話，食完嘅餐盤亦可以幫忙擺晌櫃枱上，減輕店員嘅工作量。講到食物嘅選擇，主打自然喺啲壽司卷，亦有少量壽司供應。門口、收銀旁嘅電子螢幕，都顯示晒所有壽司卷款式，共有12款，款款都喺賣$68，頭6款喺「大卷」（一客4件），尾6款喺「細卷」（一客8件），除圖文並茂，更印晒所有食材成份，清清楚楚自己食緊乜。如果唔怕麻煩，可以揀自主啲嘅自選組合壽司卷，基本定價每款$78，由肉類、蔬菜、特色餡料、醬汁全由自己話晒事。凡點壽司卷，仲可以以優惠價加配
溫馨提示，店家收7:00pm，所以，有買趁手。餐廳唔止主打外賣，亦可以堂食，而且，環境都唔細，樓底高，裝修帶點時尚風，然而，餐枱都喺啲高腳枱櫈，未必個個人都鍾意。
餐廳都喺採自助形式，入門口無耐有個凍櫃，有啲飲品、預先製作好嘅壽司卷拼盤，不過，臨近收工，啲拼盤都所餘無幾。
此外，餐紙、筷子、醬油、芥末都放晒晌一角櫃上，自由取用。如方便嘅話，食完嘅餐盤亦可以幫忙擺晌櫃枱上，減輕店員嘅工作量。
講到食物嘅選擇，主打自然喺啲壽司卷，亦有少量壽司供應。門口、收銀旁嘅電子螢幕，都顯示晒所有壽司卷款式，共有12款，款款都喺賣$68，頭6款喺「大卷」（一客4件），尾6款喺「細卷」（一客8件），除圖文並茂，更印晒所有食材成份，清清楚楚自己食緊乜。
如果唔怕麻煩，可以揀自主啲嘅自選組合壽司卷，基本定價每款$78，由肉類、蔬菜、特色餡料、醬汁全由自己話晒事。凡點壽司卷，仲可以以優惠價加配味噌沙、迷你烏冬、沙律、甜品。
雖然全部壽司卷都喺即點即做，但過程都算快手，堂食就用小長方鋼碟盛載，而外賣嘅話就用上長形紙盒。由紙盒、膠袋、筷子套……都印有店家嘅標誌，一個以壽司卷為形嘅日本藝妓公仔，設計簡單得意。
小弟採取懶人包政策，所以，就唔搞咩自選組合，嗌咗4款壽司卷，包括兩款大卷，兩款細卷，再加配啲味噌湯，實行嚟一次壽司卷派對。
醬油、芥末早已放入袋中，可能免浪費關係，醬料唔喺放好多，所以，如果你鍾意狂食芥末，就記得自行拎多一、兩包。不過，小弟就覺得基本上可以一包都唔使拎，因為每款壽司卷本身都已配搭上唔同嘅汁醬，根本都唔使額外再添醬油。
此外，最鬼馬原來晌盒底已黐咗雙筷子俾你。
Veggie Lover $68全素嘅，喺為老婆而設，大卷捲有紅菜頭、露筍、芒果、青瓜、紫蘇葉，再晌外面灑滿香芋片，唧下松露蛋黃醬及自家醬油。由於餡料多為蔬菜，尤其晌紅菜頭及大量露筍之下，口感特別清爽；而且，炸芋片增加咗啲口感，松露蛋黃醬更令味道唔會覺得好寡，配搭顯心思。
Veggie Lover
$68
18 瀏覽
0 讚好
0 留言
叫得Sea就以海鮮料為主，餡料包括蟹棒、天婦羅蝦、翡翠苗、青瓜，如果加埋帶子、少少魚生就更富海洋氣息喇，配自家醬油及鰻魚醬，所以，味道非常豐富；此外，卷面灑下唔少櫻花蝦同炸蒜片做裝飾，唔只好睇，仲令口感更多層次，反而，菜單話有甜薯粉，感覺就似乎唔明顯，食咗都唔知添。
Mango Dynamite $68又試試啲細卷，揀呢款皆因感覺應富夏日氣息，以天婦羅蝦、青瓜、芒果、藍色蟹籽為主，再唧下沙律醬及自家醬油。由於大大片芒果肉放上面，所以，入口比較清甜，不過，似乎無漏咗青瓜入內，否則，應該多份清爽感。
Mango Dynamite
$68
12 瀏覽
0 讚好
0 留言
Philadelphia $68晌多款細卷中，呢款喺小弟心水，因為有忌廉芝士及牛油果入饌，再加上三文魚、蟹籽，配上沙律醬、鰻魚醬。賣相本身頗搶眼，卷面鋪咗好多牛油果，綿滑軟熟，中間大大粒忌廉芝士，搭上醬汁，味道濃郁，認真好食。
Philadelphia
$68
19 瀏覽
0 讚好
0 留言
味噌湯 +$8雖然只哋加8蚊，做得不賴喎，麵豉味幾香濃，而湯內嘅豆腐粒又十分滑。
咪睇佢哋一盒仔細細份咁，其實盒盒都幾墜手。其實，3盒都夠我哋兩公婆食，依家就食得我哋好飽。試過4款壽司卷，配搭確喺有心思，值得「卷」土重來。
張貼
