小城鎮 (已結業)

這間小店隱藏在北角鬧市之中。位於明園西街，一個不起眼的地鋪，店內地方不大但裝修雅致，給人舒適，溫暖的感覺。疫情期間幫襯左幾次，已經認識個老闆。可能經濟環境困難，老闆加倍努力，每次去到都見到佢。响度我哋都食過早午，晚餐，佢地嘅食材新鮮，制作認真，值得欣賞。前日突然好想食德國脆豬手，北角唔係好多間有做，只係諗起小城鎮，上打個電話確認有得食，之後馬上行過去。其實佢哋距離我屋企都有D遠，不過要食好嘢就冇計啦！因為去到已經8:00，馬上叫咗我嘅心頭好，好快就上菜，待應好貼心咁問要唔要幫我切開佢，我話好，隻豬手嚟到的確皮脆肉嫩，絕不肥膩。不枉我行15分鐘過嚟食。佢嘅配菜亦絕不馬夫，嗰啲酸菜同我去德國食嗰啲一模一樣，超酸 😅😅證明佢維持原汁原味。可能我哋已經喺最後一台，老闆見我哋食完野飲緊餐茶，仲過嚟表演咗個魔術，都真係幾得個噃！