影片
更多
2018-06-14
309 瀏覽
尖沙咀既樓上cafe大部份都係連鎖式，朋友話想搵間特別啲既，誤打誤撞就搵到呢間～餐廳選址方便，就喺正isquare對面既大廈，但始終都係小本經營，所以空間唔算話好大，亦無想像中咁光鮮，氣氛偏向居家既感覺。叫得樂園當然有佢既原因，牆身既壁畫都係啲Q版塗鴉，桌上亦放左糖果，幾適合一家大細黎用膳。呢度既西餐價錢偏高，用料當然唔差，鵝肝、豬肋骨、燒春雞、黑松露等一應俱全，基本上你諗到既都有；黎得呢度當然要試下佢地推介既廚師發板啦～廚師發板賣相值回票價，好似法國菜咁精美，仲可以自定字句，岩哂節日慶祝店員建議既次序係先食左熟食，以布冧清一清肉類既肥膩，再食冷盤。帶子都算大隻，以牛油煎香，但檸檬味唔太出。牛柳粒火候岩岩好，肉質鮮嫩，一咬即化，旁邊有黑椒汁同蒜片自行加減。鵝肝多士炸得好鬆脆，唔會太乾身，鵝肝肥厚，乾爽不油，但個人中意油香重啲既鵝肝多啲。煙三文魚味道中規中矩，無咩特別，但份量夠多、夠大塊。虎蝦唔記得影！蝦肉結實唔散，唔係急凍蝦，煎得好香口鮮味。法國野都係精緻但唔飽肚，正值發育時期當然要再嗌啲飽肚野黎填飽個肚意大利黑松露吞拿魚比薩Pizza底批厚身，批邊好香脆，好似食梗餅乾咁；餡料豐富，落
餐廳選址方便，就喺正isquare對面既大廈，但始終都係小本經營，所以空間唔算話好大，亦無想像中咁光鮮，氣氛偏向居家既感覺。
叫得樂園當然有佢既原因，牆身既壁畫都係啲Q版塗鴉，桌上亦放左糖果，幾適合一家大細黎用膳。呢度既西餐價錢偏高，用料當然唔差，鵝肝、豬肋骨、燒春雞、黑松露等一應俱全，基本上你諗到既都有；
黎得呢度當然要試下佢地推介既廚師發板啦～
廚師發板
$188
11 瀏覽
0 讚好
0 留言
賣相值回票價，好似法國菜咁精美，仲可以自定字句，岩哂節日慶祝
廚師發板
24 瀏覽
0 讚好
0 留言
帶子都算大隻，以牛油煎香，但檸檬味唔太出。
牛柳粒火候岩岩好，肉質鮮嫩，一咬即化，旁邊有黑椒汁同蒜片自行加減。
鵝肝多士炸得好鬆脆，唔會太乾身，鵝肝肥厚，乾爽不油，但個人中意油香重啲既鵝肝多啲。
煙三文魚味道中規中矩，無咩特別，但份量夠多、夠大塊。虎蝦唔記得影！蝦肉結實唔散，唔係急凍蝦，煎得好香口鮮味。
法國野都係精緻但唔飽肚，正值發育時期當然要再嗌啲飽肚野黎填飽個肚
意大利黑松露吞拿魚比薩
$148
8 瀏覽
0 讚好
0 留言
Pizza底批厚身，批邊好香脆，好似食梗餅乾咁；
餡料豐富，落左好多芝士，多到略嫌蓋過吞拿魚味，面頭仲加左黑松露，但味道偏淡。
我係曲奇大王
$45
13 瀏覽
0 讚好
0 留言
跟餐補差價$45，原價$75，以沙冰黎講偏貴。
除左頂端既oreo外，其實無曲奇味，反而朱古力味濃郁，味道偏甜，中意朱古力既可以試下～
張貼
