影片
更多
2020-06-12
387 瀏覽
出實習約大學bff最後一彈！Seoulmate地方幾大，有室內室外位，有鑑於夏日熱辣辣，當然室內涼冷氣談心。枱之間有可留言嘅白板隔板，見到唔少人畫咗維尼。4人行叫咗三個main dish，加一個甜品，分別有打卡至愛之一舊Seoulmate雲下的饅魚炒飯、fushion嘅卡邦尼韓式年糕、黃金海鮮鹹蛋醬薄餅同埋韓國荷蘭寶寶班戟。成日見Foodie打卡都係呢個笑哈哈嘅雲，其實焗係蛋白，入面有隻蛋黃同饅魚炒飯。因為我哋要等埋一位朋友，所以唔係即刻食。好彩個蛋白冇點塔落嚟，仲意外發掘蛋白保溫嘅作用。但始終凍左少少，鰻魚炒飯有少少硬。相信熱食一定完美。饅魚大大件，每粒飯都有饅魚汁。蛋白冇乜味，主要增加咗fluffy嘅口感。卡邦尼韓式年糕有驚喜，原本叫嗰陣一位已經食過呢間嘅朋友話上次覺得有少少淡口。但出到黎完全冇呢一件事，連重口味嘅我都覺得調味啱啱好，又creamy，落煙肉亦好鬆手。年糕本身係一舊好味煙煙韌韌嘅嘢，配埋呢個醬汁啱啱好，亦都唔會張口。分量比較細。食完之後好有衝動自己返屋企學下點煮。黃金海鮮鹹蛋醬薄餅係薄批，邊位夠脆口。海鮮足料，仲有帶子。食落鹹蛋味出，但唔會好假。愛鹹蛋之人必試。美好嘅
4人行叫咗三個main dish，加一個甜品，分別有打卡至愛之一舊Seoulmate雲下的饅魚炒飯、fushion嘅卡邦尼韓式年糕、黃金海鮮鹹蛋醬薄餅同埋韓國荷蘭寶寶班戟。
一舊Seoulmate雲下的饅魚炒飯
17 瀏覽
0 讚好
0 留言
成日見Foodie打卡都係呢個笑哈哈嘅雲，其實焗係蛋白，入面有隻蛋黃同饅魚炒飯。因為我哋要等埋一位朋友，所以唔係即刻食。好彩個蛋白冇點塔落嚟，仲意外發掘蛋白保溫嘅作用。但始終凍左少少，鰻魚炒飯有少少硬。相信熱食一定完美。饅魚大大件，每粒飯都有饅魚汁。蛋白冇乜味，主要增加咗fluffy嘅口感。
卡邦尼韓式年糕
11 瀏覽
0 讚好
0 留言
卡邦尼韓式年糕有驚喜，原本叫嗰陣一位已經食過呢間嘅朋友話上次覺得有少少淡口。但出到黎完全冇呢一件事，連重口味嘅我都覺得調味啱啱好，又creamy，落煙肉亦好鬆手。年糕本身係一舊好味煙煙韌韌嘅嘢，配埋呢個醬汁啱啱好，亦都唔會張口。分量比較細。食完之後好有衝動自己返屋企學下點煮。
黃金海鮮鹹蛋醬薄餅
8 瀏覽
0 讚好
0 留言
黃金海鮮鹹蛋醬薄餅係薄批，邊位夠脆口。海鮮足料，仲有帶子。食落鹹蛋味出，但唔會好假。愛鹹蛋之人必試。
韓國荷蘭寶寶班戟配焦糖香蕉
9 瀏覽
0 讚好
0 留言
美好嘅一餐唔少得甜品。值得一讚，店員好細心同主動幫我地轉碟食甜品。韓國荷蘭寶寶班戟個名嘅由來真係唔知。一上菜就比佢哋嘅蛋香味我深深吸引，然後面嗰台食客都擰轉頭望一望。薄薄嘅班戟入面有香蕉蓉，面頭加上朱古力醬，呢個組合唔會出錯。香蕉味同朱古力味唔會互相爭風頭。
環境舒適，食物質素高同靚，再加上店員服務好好，我哋坐咗好耐都會趕我哋落單。好耐未試過打OpenRice評分咁高💛
張貼
