Ideas Dessert (已結業)

雖然自己喺香港出世長大，但係原來好多地方自己從來都冇去過，好似今日嚟咗荃灣呢個悅來坊，人人都稱之為熊貓酒店嘅商場，即時變咗一個大鄉里咁樣，因為平時來荃灣都係喺地鐵站附近嘅商場逛，真係估唔到荃灣嘅另一邊，別有一番景象，事原有個台灣朋友入住呢間酒店，緣份嘅嘢就係咁樣帶咗我嚟呢個商場，原來呢一篇人流都好㕵，各式各樣的店舖應有盡有！陪朋友買完日用品之後，已經下午三點鐘左右，行左去商場外圍附近，天氣又熱辣辣，經過呢一間甜品店，啱哂啦，一於食返啲甜品消下暑，Ideas Dessert 🍨 ！個名幾得意，真係Good idea😜講真甜品店，大部份都會喺黃昏之後營業，好少好似我哋咁樣三、四點走去食，不過都即管試吓啦，因為天氣實在太熱了，點知店員好客氣咁招呼我哋坐低，呢個鐘數人少少，坐得仲舒服。睇Menu嘅嘢，當然難我唔到啦，好快比我留意到佢哋有一個Top ten甜品推介，仲有啱晒季節嘅芒果，好快就order左。店舖面積不大，簡潔的擺設，一貫甜品店的設計，牆壁上寫上很大的「Ideas」字體作為點綴。首先送上的是排名第三的「楊貴妃」，楊枝汁、啫喱芒果/布丁、水晶珠、芒果粒、小丸子，還有野果和雪糕，馬上嚐一