影片
更多
2020-10-15
600 瀏覽
好味指數😋😋😋回頭指數⭐️⭐️⭐️開心指數🤗🤗🤗🤗朋友見呢間樓上Cafe出咗post 講就嚟結業，就嚟試下...可以用Whatsapp 訂位同預訂食物，服務態度勁nice 又回覆得快！依家仲有7折，我哋預訂咗廚師發板！一入到去先見到一片花海，跟住見到兩隻好得意嘅貓貓，我幫佢哋改嘅花名係高傲貓同厭世貓😂毛色好靚亦都習慣咗同人玩！試咗覺得係gimmick 大於食物質素類別！服務態度係超好嘅，想打卡嘅朋友可以一試！🍴 廚師發板（$198/位）入面有9樣食物，跟返人數出分量，每樣都係finger food size，有牛油檸檬汁煎帶子刺身、香煎加拿大特大嘅虎蝦、黑魚子鵝肝多士、鹽水煮榮螺、蒜片配香蒜安格斯牛柳、蟹棒、和風雜菜沙律同埋戀之花煙三文魚，佢哋好有心思，presentation 好靚，仲可以自選寫咩字，打卡十足gimmick！講返食物，我自己覺得最好食嘅係蒜片配香蒜安格斯牛柳，好香好入味，細細粒唔會「鞋」，黑魚子鵝肝多士就好香脆，鵝肝都大大舊幾厚身！虎蝦肉係夠爽嘅，有兩隻係幾大隻，有兩隻唔太似特大號！實在地如果只係食呢個係一定唔夠飽，食物質素係尚可，屬於gimmick 打卡類別！🍴彩虹特飲系
回頭指數⭐️⭐️⭐️
開心指數🤗🤗🤗🤗
朋友見呢間樓上Cafe出咗post 講就嚟結業，就嚟試下...
可以用Whatsapp 訂位同預訂食物，服務態度勁nice 又回覆得快！依家仲有7折，我哋預訂咗廚師發板！
一入到去先見到一片花海，跟住見到兩隻好得意嘅貓貓，我幫佢哋改嘅花名係高傲貓同厭世貓😂毛色好靚亦都習慣咗同人玩！
試咗覺得係gimmick 大於食物質素類別！
服務態度係超好嘅，想打卡嘅朋友可以一試！
🍴 廚師發板（$198/位）
入面有9樣食物，跟返人數出分量，每樣都係finger food size，有牛油檸檬汁煎帶子刺身、香煎加拿大特大嘅虎蝦、黑魚子鵝肝多士、鹽水煮榮螺、蒜片配香蒜安格斯牛柳、蟹棒、和風雜菜沙律同埋戀之花煙三文魚，佢哋好有心思，presentation 好靚，仲可以自選寫咩字，打卡十足gimmick！講返食物，我自己覺得最好食嘅係蒜片配香蒜安格斯牛柳，好香好入味，細細粒唔會「鞋」，黑魚子鵝肝多士就好香脆，鵝肝都大大舊幾厚身！虎蝦肉係夠爽嘅，有兩隻係幾大隻，有兩隻唔太似特大號！
實在地如果只係食呢個係一定唔夠飽，食物質素係尚可，屬於gimmick 打卡類別！
廚師發板
19 瀏覽
0 讚好
0 留言
🍴彩虹特飲系列 - 青（青蘋果荔枝乳酸特調）（$78）
叫咗廚師發板每位可以半價叫飲品！我叫咗呢個！
都係打卡系飲品，梳打水入面有D罐頭生果，上面有支test tube 放咗糖漿，上面放咗花做裝飾，飲落係糖漿梳打水，唔太覺青蘋果同荔枝味，亦feel 唔到乳酸味咁～
彩虹特飲系列
$78
21 瀏覽
0 讚好
0 留言
🍴鮮雜菌雞粒炒飯（$148）
因為大家唔夠飽嘅關係，叫咗個炒飯，好普通，有少少唔西式又唔中式，冇咩味咁，如果冇7折係有少少over-priced
鮮雜菌雞粒炒飯
$148
13 瀏覽
0 讚好
0 留言
🍴醬爆雞翼（免費）
店主送嘅，呢個係我覺得最好食嘅，雞翼夠入味，又香又脆，每人有兩隻，唯一可惜嘅係我食嘅兩隻都煮唔熟，只可以食表面那層，食唔到落去！
醬爆雞翼
14 瀏覽
0 讚好
0 留言
🍴日本飄浮雲朵蛋糕配手造低糖雪糕（$68）
雲朵係用椰子mousse 整嘅，中間夾住芒果醬心，有好薄餅底，造型係幾靚嘅，texture 上係okay 嘅，味道就正常啦，唔太特別出色！
日本飄浮雲朵蛋糕配手造低糖雪糕
$68
34 瀏覽
0 讚好
0 留言
張貼
