影片
更多
2009-03-30
62 瀏覽
我地一行四人,是日共食咗5道菜1.薯仔沙律唔好睇個名就睇少呢度菜,以為"車,薯仔沙律,有咩特別啫?"如果你咁諗就錯啦!雖然佢既材料只有一樣,就係薯仔,不過個sauce就絕不簡單,一定唔係出面食到既味道,好特別!呢個菜係會比到驚喜你,因為單憑外表你真係估佢唔到.2.德國腸併盤拌酸菜德國最出名既食物之一--------香腸,黎到一定要食啦.個併盤總共有5款腸仔,包括"Nuernberg, Weisswurst, Regensburg and Bockwrust" (我諗少咗一樣,因為我都係copy佢個官方網介紹),我覺得其中4款腸比較好食,除咁一款幼身最長的比較失色之外.食既時候可以先食d腸仔original既味先,之後可以試吓蘸吓佢個兩款mustard, 一款淺色係原味的,另一款黃帶棕色既係honey mustard,又有另一番味道.再食埋d酸椰菜,好match.3.德國肉丸拌麵粉條此肉丸乃全豬肉肉丸,佢裡面加入香草,食落好彈牙,我相信佢係用咗豬某d part整,一定唔止豬肉咁簡單.大家千祈唔好except佢係好似意式肉丸咁,完全係兩回事.拌碟既面粉條好得意,不是一般意粉類既粉,有咬口,
1.薯仔沙律
唔好睇個名就睇少呢度菜,以為"車,薯仔沙律,有咩特別啫?"如果你咁諗就錯啦!雖然佢既材料只有一樣,就係薯仔,不過個sauce就絕不簡單,一定唔係出面食到既味道,好特別!呢個菜係會比到驚喜你,因為單憑外表你真係估佢唔到.
2.德國腸併盤拌酸菜
德國最出名既食物之一--------香腸,黎到一定要食啦.個併盤總共有5款腸仔,包括"Nuernberg, Weisswurst, Regensburg and Bockwrust" (我諗少咗一樣,因為我都係copy佢個官方網介紹),我覺得其中4款腸比較好食,除咁一款幼身最長的比較失色之外.食既時候可以先食d腸仔original既味先,之後可以試吓蘸吓佢個兩款mustard, 一款淺色係原味的,另一款黃帶棕色既係honey mustard,又有另一番味道.再食埋d酸椰菜,好match.
3.德國肉丸拌麵粉條
此肉丸乃全豬肉肉丸,佢裡面加入香草,食落好彈牙,我相信佢係用咗豬某d part整,一定唔止豬肉咁簡單.大家千祈唔好except佢係好似意式肉丸咁,完全係兩回事.拌碟既面粉條好得意,不是一般意粉類既粉,有咬口,在坐各位仲覺得有d似生菜魚肉d魚肉.至於個汁係一d creamy加香草既sauce, 食完呢3道菜已經飽飽地.
4.茄汁海鮮天使麵
人家說去食地方菜就要點返d地道野,千祈唔好點d唔地道野,因為一定唔會太好食.呢句說話果然無錯.試問德國乃歐洲中部,又何來海鮮?我相信大家都估到佢應該會係全晚給其他dishes比下去既一位.食到呢度,我已經幾飽了,加上對該菜式無甚期望,故放棄之.
5.德國鹹豬手拌酸菜
今晚既主角總於出場.聽好友講,呢道菜有兩個食法你選,一係焗,一係烚,聽建議,焗會好味好多,咁我地就自然選咗焗啦.個豬手d皮脆到痺,將皮下d脂肪燒去,食落只有香脆,絕不肥膩.一啖豬手,一啖啤酒,呢兩樣野加埋真係一絕.或者配上酸菜,中和返,都非常正.
6. Maisel's Weisse麥啤
經waiter哥哥推介,叫咗呢隻麥啤,果然無介紹錯.入口一陣陣麥味,好smooth,好小酒精味,我信相絕對適合女士們口味.食豬手點可能無啤酒,所以點豬手既朋友,一定要叫返杯飲吓.
其實佢仲有其他野我地都想試,好似好地道,不過因為佢既菜式太過肉類啦,所以好易飽,我想再多5-6位會比較好.
張貼
