極尚大瀛喜日本料理 (已結業)

極度肚餓果陣食乜好？食放題就最開心 😂 食左極尚大瀛喜好多年，選擇多之餘水準仲幾穩定，又唔會坐到好逼，所以食放題我第一間都會諗起佢 😆刺身類除左三文魚、吞拿魚、油甘魚、北寄貝同帶子、北寄貝、甜蝦之外，仲有劍魚腩同埋赤蝦 😍 赤蝦成隻手掌咁大 🤤 而且全部都厚切又新鮮，放題嘅 signature 啊 😆壽司都做得好精緻，足料然後飯嘅份量適中，上檯同出去壽司店食嘅無分別（有 d 款我覺得甚至更好），推介三文魚腩，厚身之餘非常肥美 👍🏻 火炙系列我地就不停 encore 左口魚群邊，放題黎講佢嘅壽司質素算幾唔錯 🫶🏻串燒同炸物選擇都算多，羊鞍唔酥夠香口，燒菠蘿都厚切好大舊 🤤 佢仲有 d 炸物喺出面拎，有炸鮮奶同埋炸榴槤 😍 全部都 refill 得幾密，所以食落仲熱嘅～ 除左日式料理，仲有泰式生蝦，中菜例如花膠、燒乳鴿、扒豆苗等等，全部都幾好味，放題都食到呢 d 都幾得意 😂飲品除左汽水同茶，佢仲有啤酒清酒，同埋自家冷泡茶，最好係佢地另外有個櫃放暖飲，我呢 d 婆仔都係鍾意飲熱熱地嘅野 🙈最後食埋甜品，呢個紅豆雪糕幾好食，入面粒粒紅豆又唔太甜，另外食左燉鮮奶，比較甜但夠曬奶香，仲有好多甜筒