七月餐室

營業中

休息中

星期日晚７點同小朋友上完興趣班，搵地方晚飯。行返去德福又驚太多人要等位，經過健力見倒呢間餐廳幾新淨光猛，仲重要唔駛等位，就入去試下。啲位都幾闊落，起碼枱同枱之間唔駛側身行入去，唔洗驚啲人行過撞倒小朋友。我地嗌左個泰皇咕嚕肉、西蘭花青衣魚柳同埋蝦醬蒸豬頸肉。泰皇咕嚕肉醬料酸甜度剛好，又唔會咬落淨係粉，啲肉唔鞋，好好食。仲要冇骨，啖啖肉，岩晒小朋友。西蘭花炒青衣魚柳呢間野都幾揼本，食材幾好，唔係一咬就爛果啲魚。仲有少少菇加埋一齊炒，值得一讚～蝦醬蒸豬頸肉一上枱就好香蝦醬味，豬頸肉爽口有口感，最驚喜竟然係有粉絲墊底，就甘睇菜名唔知道有粉絲。建議餐廳可以加返落去。例湯都足料好飲。小朋友飲晒成碗。總括黎講，一家三口晚餐HKD250有找，坐得舒服，味道又幾好，CP值真係高。見倒牆身有漏奶華相片介紹，好吸引，下次去要試下先得。