影片
更多
2018-04-20
339 瀏覽
今日放左工就決定同媽媽萬歲去食omakase！
聽朋友講呢間係旺角嘅omakase性價比好高，除左食到最時令嘅野食之外，佢地嘅擺盤仲好靚！我地叫左 椿 ($800) 呢個中價位嘅set～先付一共六點好靚咁擺左係圓碟上面 真係賞心悅目 用黎做呢個omakase嘅開頭真係超大體～～水雲髮菜 係黏滑嘅海藻 食落滑溜溜帶酸甜味道 超級開胃用黎做前菜真係最適合不過！之後係大蝦天婦羅 加上千島醬 鍾意佢炸得夠鬆脆 炸漿唔厚 入面蝦肉保留到彈牙質感～ 枝豆蕃薯豆腐 兩層分別有唔同口味同質感 第一層豆腐清甜 而下面薯仔部份超甜超軟綿兩粒迷你熟螢光魷魚 膏一咬就溢出 超級creamy超級rich 銀魚配青椒仔 舖上滿滿嘅銀魚仔 脆香咬落帶鹹香 青椒仔微微烘香 好好味生魷魚 爽滑彈牙 配上爽甜日本大根 底部有微微一層芝麻醬調味呢個先付實在係太完滿～刺身3點踏入戲肉係三點刺身拼盤片片粒貝 以青檸佐底 爽甜彈牙 建議輕輕沾上沖繩海鹽 提起左粒貝嘅鮮甜味北海道赤牡丹蝦 舖上滿滿嘅炸櫻花蝦碎 炸左比平時更香脆惹味！最後係拖羅 每一塊都幾厚身 油脂係口入面化開 入口即溶超滿足料理1品師父為我地準備左2款唔同嘅料理
我地叫左 椿 ($800) 呢個中價位嘅set～
先付
一共六點好靚咁擺左係圓碟上面 真係賞心悅目 用黎做呢個omakase嘅開頭真係超大體～～
水雲髮菜 係黏滑嘅海藻 食落滑溜溜帶酸甜味道 超級開胃用黎做前菜真係最適合不過！
先付
17 瀏覽
0 讚好
0 留言
之後係大蝦天婦羅 加上千島醬 鍾意佢炸得夠鬆脆 炸漿唔厚 入面蝦肉保留到彈牙質感～
枝豆蕃薯豆腐 兩層分別有唔同口味同質感 第一層豆腐清甜 而下面薯仔部份超甜超軟綿
兩粒迷你熟螢光魷魚 膏一咬就溢出 超級creamy超級rich
先付
21 瀏覽
0 讚好
0 留言
銀魚配青椒仔 舖上滿滿嘅銀魚仔 脆香咬落帶鹹香 青椒仔微微烘香 好好味
生魷魚 爽滑彈牙 配上爽甜日本大根 底部有微微一層芝麻醬調味
呢個先付實在係太完滿～
先付
10 瀏覽
0 讚好
0 留言
刺身3點
踏入戲肉係三點刺身拼盤
片片粒貝 以青檸佐底 爽甜彈牙 建議輕輕沾上沖繩海鹽 提起左粒貝嘅鮮甜味
北海道赤牡丹蝦 舖上滿滿嘅炸櫻花蝦碎 炸左比平時更香脆惹味！
最後係拖羅 每一塊都幾厚身 油脂係口入面化開 入口即溶超滿足
刺身
14 瀏覽
0 讚好
0 留言
料理1品
師父為我地準備左2款唔同嘅料理 分別一凍一熱 奉上碗仔比我地分享 好貼心
鹽焗銀鱈魚 入面加入我最愛嘅紫蘇葉提起味道 再加上菇菇 調味超惹味但唔會太鹹 一拆開紙包香氣撲鼻 食落肉質嫩滑
料理
12 瀏覽
0 讚好
0 留言
冷玉子 其實係凍食燉蛋 第一次食凍食 食落完全感受到蛋香滿滿 啫喱帶微微鹹甜味 再次配上螢光魷魚 好好味～
料理
10 瀏覽
0 讚好
0 留言
料理
8 瀏覽
0 讚好
0 留言
壽司3貫
吞拿魚醬油漬 食落嫩滑 醬油調味亦唔會太鹹
赤目張 鮮甜咬落富彈性
北海道馬份海膽 舖到超級滿啊 又鮮甜又creamy 食落個紫菜亦好夠脆！
唯一要挑剔係醋飯質感偏濕黏
而唔同嘅地方係用黎係食每一件壽司中間清走口入面味道嘅薑 同平時唔同係用厚切 咬落更加爽脆
壽司
17 瀏覽
0 讚好
0 留言
吸物
係蜆麵豉湯
每一粒都係超肥美大蜆 厚肉而且咬落帶鮮甜 令麵豉香昇華左陣鮮香！
吸物
16 瀏覽
0 讚好
0 留言
甜品
最後呢個甜品拼盤真係令我無限心心眼 第一次食omakase個甜品係比咁多心機～擺盤又靚又好味！一共有4款
首先係超甜心多汁嘅博多士多啤梨
之後有seasonal嘅櫻餅 出面煙煙韌韌中間係甜甜紅豆蓉 包住櫻花樹葉 加上鹽漬櫻花 好日本嘅味道啊
柚子朱古力 朱古力濃度唔會太甜 配上柚子心真係好好味
最後必定要推介呢個白芝麻雪糕 出面坊間多係黑芝麻 白芝麻雪糕更加香 再加上抹茶粉 食落比較似抹茶蛋糕碎 抹茶味唔算好濃 本身個芝麻雪糕已經夠滿足喇！
甜品
32 瀏覽
0 讚好
0 留言
結帳之後店員仲奉上一杯暖暖嘅抹茶～清到味道之餘 又暖到胃！呢個omakase以呢個價錢真係CP值爆燈！
抹茶
20 瀏覽
0 讚好
0 留言
張貼
