Go Inside Kitchen (已結業)

樓上Cafe近年愈開愈多，尤其是觀塘區比比皆是，但裝修有質素而食物又好食的，就要碰下運氣。今日比我遇到這間Go Inside餐廳，真係有水準的一間。午餐有多款選擇，豬、牛、魚，配飯、 薯菜和意粉任君挑選，價錢適中，除了美國安格斯肉眼超過$200蚊外，其它也不過由$68至$148。我們分別點了德國黑椒豬手$98新鮮空運澳洲西冷配紅酒汁$98， 由於非常肚餓緣故， 所以兩個餐都係跟白飯。而跟餐配上忌廉薯仔湯和飲品，所以價錢98蚊一點也不算貴。忌廉薯仔湯配上蒜蓉包，香濃又脆的包點上香滑的薯仔湯，飲時陣陣忌廉味，非常開胃醒神，滋味滿足。先來新鮮空運澳洲西冷配紅酒汁，要5成熟，大大塊西冷扒，肉脂分佈均匀，而5成熟火喉控制恰如其分，肉味濃烈，口感嫩滑無比，加上紅酒汁，食落更香醇。而德國黑椒豬手，又是超大隻，皮炸得好脆而肉超稔，食落啖啖肉，滋味到暈。加上肉味香濃，肉愛質又嫩滑，味道十分香，整整一大隻食完飽到個肚大了一個码，爽。最後還加錢點了一客黑松露蜜糖雞翼$15和法國芝士煙肉焗蠔$12，熱辣辣即食，味道香濃，正！😄