Helen’s

營業中

休息中

因為平時見朋友嘅酒吧都喺中環區，成日過海好麻煩，所以想同朋友試吓尖沙咀區嘅酒吧。上到去音樂聲唔大，環境算幾寧靜，同埋裏便嘅擺設都幾得意，酒吧個vibe都幾chilled 同埋舒適，唔似一啲酒吧環境比較狹窄。嚟到呢度梗係睇一睇個cocktail Menu先啦，講真冇諗過可以$68叫到一杯cocktail，真係抵到爛。因為夏天所以朋友同我都叫咗一杯微酸同比較refreshing嘅 cocktail朋友嘅Sancino賣相OK，比較鍾意佢用個銅嘅杯裝住，朋友話飲落都好refreshing。我自己個杯Helen’s tea好飲，甜中帶酸，好意入口。飲到少少gin嘅味但係唔會掩蓋左其他水果嘅味道。都幾鍾意佢哋有佛手柑放喺杯上邊，賣相唔錯。因為啱啱收工都未食晚飯，見餐牌上面佢哋嘅價錢都幾抵，所以就想試吓d 送酒菜。都幾驚喜因為我哋叫嘅雞軟骨、香烤辣雞翼、同埋忌廉汁意粉都好好食。全部好明顯都係即叫即煮，同埋調味適中。幾鍾意呢間酒吧，我諗下次如果有班朋友想傾吓計或者慶祝嘅話都會嚟呢度試吓。