影片
更多
2019-10-30
23 瀏覽
堅尼地城一向都有好多特色食肆, 但唯獨呢間, 無論咩時間黎都非常旺場, 因為大家都好熱愛佢嘅 in-house 手工啤酒餐廳以工業風設計為主, 一入門, 就可以見到大大個嘅釀酒器皿Beer Paddle一次過試勻 6 款手工啤酒, 職員建議由左至右品嚐, 味道由淡至濃, 當中有 D 較 Fruity, 有 D 帶麥香味, 有 D 就苦味較重｡ 個人推介 Original Pils (以 100% 皮爾森麥芽 & 德國佩勒啤酒花釀製, 味道係 6 款中最淡) 同 Kennedy Town Brew (麥香味較濃, 味道有 D 似 Hoegaarden), 兩款都好易入口Angus Beef Sliders一份有 3 件 Mini Burger, 入面夾左塊好厚牛肉漢堡, 口感結實, 再簡簡單單加入藍芝士味嘅 Mayonnaise 同洋蔥, 完全可以品嚐到食材最原始嘅味道Fish And Chips份量超大, 魚柳表面係用左啤酒炸漿整成, 炸到外脆內嫩, 無論係就咁食, 定沾上他他醬食, 一樣咁好味Umami Carbonara呢款 Carbonara 唔會煮到有過多醬汁, 意粉做到 Al
餐廳以工業風設計為主, 一入門, 就可以見到大大個嘅釀酒器皿
Beer Paddle
一次過試勻 6 款手工啤酒, 職員建議由左至右品嚐, 味道由淡至濃, 當中有 D 較 Fruity, 有 D 帶麥香味, 有 D 就苦味較重｡ 個人推介 Original Pils (以 100% 皮爾森麥芽 & 德國佩勒啤酒花釀製, 味道係 6 款中最淡) 同 Kennedy Town Brew (麥香味較濃, 味道有 D 似 Hoegaarden), 兩款都好易入口
Angus Beef Sliders
一份有 3 件 Mini Burger, 入面夾左塊好厚牛肉漢堡, 口感結實, 再簡簡單單加入藍芝士味嘅 Mayonnaise 同洋蔥, 完全可以品嚐到食材最原始嘅味道
Fish And Chips
份量超大, 魚柳表面係用左啤酒炸漿整成, 炸到外脆內嫩, 無論係就咁食, 定沾上他他醬食, 一樣咁好味
Umami Carbonara
呢款 Carbonara 唔會煮到有過多醬汁, 意粉做到 Al Dente 嘅口感, 加入蟹肉、煙肉碎、洋蔥、Parmesan 芝士等材料煮成, 表面鋪上三文魚籽 & 木魚碎, 令口感更豐富
Tasmanian Salmon
三文魚魚皮煎到非常香脆, 魚肉唔會過份乾身, 啖啖肉, 底下嘅羽衣甘藍用蒜蓉牛油微微炒香, 味道超正
Crème Brûlée
絕對係有得睇有得食, 職員會喺甜品旁邊加入乾冰黎營造煙霧效果, 蛋香味濃, 而且表面嘅焦糖仲燒到卜卜脆添
Chocolate Walnuts Brownie
上枱時職員會倒入焦糖朱古力醬, 經鐵板散發出勁香朱古力味, 朱古力味嘅 Brownie 加入核桃, 連埋意大利榛子雪糕一齊食, 好有冰火感覺, 而且又有口感, 完美大滿足
張貼
