影片
更多
2018-10-30
2009 瀏覽
“友人”經常話和牛比普通肥牛好食好多，今日終於搵到機會去試下食日式和牛火鍋。我地揀左90分鐘任食特級日本和牛小排+豚肉(另可免費點選澳洲和牛同極上美國牛肉)，成人$248/位。一坐底，侍應就先拎左5碟特級日本和牛同1碟豚肉俾我地。未熟既特級日本和牛，脂肪分佈平均，望落已經流哂口水。至於湯底就揀左季節限定既韓式牛尾湯。薄切既特級日本和牛，一放落湯滾3秒就熟，簡直係完美。一放入口就有淡淡既牛肉味滲出泥，和牛好腍又嫩滑，口感真係好正，入口即溶，同普通肥牛有好大分別，好少有機會食到咁靚既牛。滾一滾就即刻食係最好食，試過滾得太耐會鞋口。另外當然叫埋免費點選既澳洲和牛小排啦。熟左既澳洲和牛小排同特級日本和牛賣相差不多，係澳洲和牛小排牛味較重；特級日本和牛口感韌d 。特級日本和牛上：澳洲；下：日本左：日本； 中：澳洲；右：豚最後食左8碟特級日本和牛、2碟澳洲和牛小排同1碟豚肉。牛尾湯底真係無味，純粹係用個湯底來整熟d牛。湯底未滾之前食左少少咖哩飯，唔錯。火鍋配料無乜特別，正常質素；蔬菜幾新鮮，幾有光澤。只係想講鯪魚肉魚蛋唔好食。約5點半就食完既時候見到有新配料：蟹籽丸、芝士丸、龍蝦丸同芝士腸。個人覺
一坐底，侍應就先拎左5碟特級日本和牛同1碟豚肉俾我地。未熟既特級日本和牛，脂肪分佈平均，望落已經流哂口水。至於湯底就揀左季節限定既韓式牛尾湯。
薄切既特級日本和牛，一放落湯滾3秒就熟，簡直係完美。一放入口就有淡淡既牛肉味滲出泥，和牛好腍又嫩滑，口感真係好正，入口即溶，同普通肥牛有好大分別，好少有機會食到咁靚既牛。滾一滾就即刻食係最好食，試過滾得太耐會鞋口。另外當然叫埋免費點選既澳洲和牛小排啦。熟左既澳洲和牛小排同特級日本和牛賣相差不多，係澳洲和牛小排牛味較重；特級日本和牛口感韌d 。特級日本和牛
上：澳洲；下：日本
左：日本； 中：澳洲；右：豚
最後食左8碟特級日本和牛、2碟澳洲和牛小排同1碟豚肉。牛尾湯底真係無味，純粹係用個湯底來整熟d牛。湯底未滾之前食左少少咖哩飯，唔錯。
火鍋配料無乜特別，正常質素；蔬菜幾新鮮，幾有光澤。只係想講鯪魚肉魚蛋唔好食。約5點半就食完既時候見到有新配料：蟹籽丸、芝士丸、龍蝦丸同芝士腸。個人覺得5點半後既丸類吸引d。聽到侍應話5點半轉款，唔知係咪每日都係同一時間轉相同既款呢。
如果醬油配料有炸蒜會更開心。
獨立包裝飲品選擇唔太多，另外仲有汽水機、柑桔綠茶、烏龍茶同煎茶茶包供應。
甜品係乳酪雪糕，蘋果芒果(開胃)、士多啤梨(麻麻)同原味三款味道都試哂，但雪糕溶得好快。
(個人口味: 4+4.2/10)日本和牛係好食既，始終一分錢一分貨。同晚市相比，午市係抵食好多，一樣都係90分鐘任食，晚市貴$60/位。值得一讚既係牛肉質素唔會因爲加單而下降。坐位舒適，服務態度都幾好。
題外話/補充資料：
開頭睇左錯午市係$188/位，去到先知原來個個係小童價，成人係$248/位。雖然抵食過晚市，但始終都唔平，非常偶爾食下就可以，平時都係食返最平既牛就夠。食完今餐，發覺牛一既火鍋配料同飲品選擇比同商場既另一間日式火鍋多。
(以上食評乃用戶個人意見 , 並不代表OpenRice之觀點。)
張貼
