御名園 (已結業)

星期六、日、公眾假期 午巿點心放題$168/成人 (另收加一茶芥；3:15pm Last Order)食得放題梗係要密密嗌密密食，呢度有超過40款點心小食任你嗌；平時飲茶唔會嗌嘅嘢食今次一次過叫晒😆😆😆放題每位成人送極品花膠灌湯餃1盅、鮑魚燒賣1件。坐低無耐樓面姐姐已經好快送上💁🏻‍♀️灌湯餃絕無欺場，花膠軟滑、燒賣賣相精緻，鮑魚彈牙爽口👍🏼🌼 酒樓必食傳統點心包括大大粒鮮味蝦餃皇、蟹籽燒賣皇；鮮蝦/牛肉/叉燒腸粉滑溜餡料足；香煎臘味蘿蔔糕煎得香脆，配辣醬食一流👍🏼 水晶鮮蝦菜苗餃外皮煙韌，啖啖菜肉口味清新、爆汁小籠包綠色外皮幾得意😎唯鮮竹卷略嫌腐皮太厚🌼巧手小食水晶鎮江餚肉酸甜甜好開胃、椒鹽一口豆腐粒有啲咸、百香果無骨鳳爪帶微辣，清新之選🌼甜品乾清棗皇糕好香椰汁味，必食推介👍🏼黑糖爆漿糍粑同酥炸大良鮮奶炸得酥脆，喜歡甜品嘅你唔好錯過。杏仁豆腐芋圓布甸香滑，但不見芋圓🥺蕃薯糖水帶薑味，蕃薯夠甜🍠最後仲叫咗個陳皮脆香燒鵝瀨粉，瀨粉彈牙煮到啱啱好，燒鵝皮脆有肉汁👌🏼雖然係放題，但食物質素仍然keep到，味道水準之上。個人嚟講必食嘅係棗皇糕，蒸到熱辣辣，紅棗椰香飄逸🤭就算唔食放題，平時嚟呢度飲