念川居 (MOKO新世紀廣場)

營業中

休息中

2個人食 $868 二人餐，份量很夠，飽飽大滿足。先飲 杏汁燉白肺湯 ，呢度啲比較清，冇咁白色，冇加奶，好甜好好味，湯料都好正！兩款辣小食，香辣豬耳絲及蒜泥白肉，豬耳很爽，真係蒜泥，唔食辣汁冇咁辣。水煮厚切牛脷 非常大的份量足夠三四個人食，數過超過10塊牛脷，每一件都係好厚，超正！呢個麻辣只係在口腔內少少及慢慢覺得麻辣，唔會標汗，高級麻辣菜式！豉蒜花生芽西瓜皮 西瓜皮真係幾得意，一條條青青地色、酸酸地，花生牙很粗大。四川擔擔麵 又係幾大碗，又係麻辣嘅，但唔會太厲害，麵幼及柔軟，好食。蛋白杏仁茶 放在椰子殻內，特別矜貴，清甜，夠滑，好食。