更多
2017-09-29
214 瀏覽
成日都出街食飯，盡可能都想某啲飯局食得清淡啲健康啲。今次去到厚福街見到2DP以素食為主，而且人流都唔錯，於是就入去試試。半熟芝士燉蛋 伴 意式普洱朱古力 $68普洱朱古力味雪糕，茶香雖然是清淡啲，但味道幾清新，兩者味道都夠明顯，唔會互相搶去對方味道。雪糕中有朱古力碎，幼滑雪糕加上朱古力碎，口感就比較豐富。燉蛋是半熟狀態，燉蛋口感夠滑溜，吃落去感受到蛋香同芝士香味。而且燉蛋質地都夠挺身，唔會因為加入左芝士而變淋。起初以為芝士會好膩，但原來配上蛋之後，感覺又幾特別，唔會太膩。燉蛋旁邊仲有一條條多士條，可以沾上半熟燉蛋食，可以膩感再減半。墨西哥香辣素菜意粉 $64看似好似幾辣，成碟都係紅哂咁。不過食落其實係超小辣，感覺幾開胃的。香辣之中，覺得佢偏向辣味多於香。素菜意粉入面有唔少蔬菜，包括：秋葵、豆角、翠玉瓜、西蘭花、椰菜花，每種食物都煮得夠熟而爽口，當日食秋葵同翠玉瓜，爽口又夠味。整體蔬菜味道唔錯，調味剛好，而煮蔬菜時間廚師都拿捏得唔錯。因為唔同蔬菜要熟透的時間都唔同，要每種都唔會過熟又唔影響口感，都好睇廚師功夫架。意粉煮得爽口又吸收到香辣味，口感都唔錯。不過份量就少左啲，女士食就岩岩好，男
半熟芝士燉蛋 伴 意式普洱朱古力 $68
普洱朱古力味雪糕，茶香雖然是清淡啲，但味道幾清新，兩者味道都夠明顯，唔會互相搶去對方味道。雪糕中有朱古力碎，幼滑雪糕加上朱古力碎，口感就比較豐富。
燉蛋是半熟狀態，燉蛋口感夠滑溜，吃落去感受到蛋香同芝士香味。而且燉蛋質地都夠挺身，唔會因為加入左芝士而變淋。
起初以為芝士會好膩，但原來配上蛋之後，感覺又幾特別，唔會太膩。燉蛋旁邊仲有一條條多士條，可以沾上半熟燉蛋食，可以膩感再減半。
墨西哥香辣素菜意粉 $64
看似好似幾辣，成碟都係紅哂咁。不過食落其實係超小辣，感覺幾開胃的。香辣之中，覺得佢偏向辣味多於香。
素菜意粉入面有唔少蔬菜，包括：秋葵、豆角、翠玉瓜、西蘭花、椰菜花，每種食物都煮得夠熟而爽口，當日食秋葵同翠玉瓜，爽口又夠味。
整體蔬菜味道唔錯，調味剛好，而煮蔬菜時間廚師都拿捏得唔錯。因為唔同蔬菜要熟透的時間都唔同，要每種都唔會過熟又唔影響口感，都好睇廚師功夫架。
意粉煮得爽口又吸收到香辣味，口感都唔錯。不過份量就少左啲，女士食就岩岩好，男士就可能唔夠飽。
百年古樹蜜香紅茶 手沖$38
呢款茶味香濃，口感偏向滋潤，味道容易入口而帶點蜜香，解渴一流。
張貼
