影片
更多
2022-10-19
2394 瀏覽
【Bread Basket 🥖🥐🧺 】有3款包，每款都好食，上枱嘅時候仲要係熱辣辣嘅👍🏻我哋忍唔住refill咗一次，真係食包都食到飽咗一半😅下次會忍下口唔refill😂-【有機生蠔🦪】 我就唔係好記得嗰日叫咗邊款😂不過食落係好新鮮嘅，同埋配個紅酒醋好match👍🏻-【生牛肉他他🐂】聽講好出名，所以叫咗一份嚟試下，食落個味幾複雜有趣，加埋蛋黃會更濕潤同有蛋黃香～不過又未去到特別好食，我覺得試一次就夠🙈-【龍蝦湯🦞】呢個龍蝦湯係用咗忌廉、白蘭地酒、大西洋波士頓龍蝦烹調嘅，仲會席前火焰烹調！龍蝦味極濃而且個湯好Creamy，飲多幾啖就覺得好膩，所以我覺得2個人share一份都夠～-【燒美國頂級牛肋骨肉🥩+半隻扒大西洋波士頓龍蝦🦞】個牛肋骨肉係席前切出嚟嘅，勁厚勁大塊睇openrice以為份量會同Lunch差不多，好彩個侍應提一提我哋話份量係好勁嘅，建議我哋食住先唔夠再叫😂我哋真係差啲就叫多份黑椒牛柳Main Course，到時實食唔晒🤣個牛肋骨肉燒到5成熟，咬落好嫩同肉味都重，廚師仲會問你要唔要啲生磨嘅wasabi ，我覺得加咗之後幾特別嘅😛我哋仲加咗半隻龍蝦，味道就正常水準啦～-【自家製
有3款包，每款都好食，上枱嘅時候仲要係熱辣辣嘅👍🏻我哋忍唔住refill咗一次，真係食包都食到飽咗一半😅下次會忍下口唔refill😂
-
【有機生蠔🦪】
我就唔係好記得嗰日叫咗邊款😂不過食落係好新鮮嘅，同埋配個紅酒醋好match👍🏻
-
【生牛肉他他🐂】
聽講好出名，所以叫咗一份嚟試下，食落個味幾複雜有趣，加埋蛋黃會更濕潤同有蛋黃香～不過又未去到特別好食，我覺得試一次就夠🙈
-
【龍蝦湯🦞】
呢個龍蝦湯係用咗忌廉、白蘭地酒、大西洋波士頓龍蝦烹調嘅，仲會席前火焰烹調！龍蝦味極濃而且個湯好Creamy，飲多幾啖就覺得好膩，所以我覺得2個人share一份都夠～
-
【燒美國頂級牛肋骨肉🥩+半隻扒大西洋波士頓龍蝦🦞】
個牛肋骨肉係席前切出嚟嘅，勁厚勁大塊睇openrice以為份量會同Lunch差不多，好彩個侍應提一提我哋話份量係好勁嘅，建議我哋食住先唔夠再叫😂我哋真係差啲就叫多份黑椒牛柳Main Course，到時實食唔晒🤣
個牛肋骨肉燒到5成熟，咬落好嫩同肉味都重，廚師仲會問你要唔要啲生磨嘅wasabi ，我覺得加咗之後幾特別嘅😛
我哋仲加咗半隻龍蝦，味道就正常水準啦～
-
【自家製檸檬羅勒雪萉🍋🌱】
因為太飽嘅關係所以我哋叫咗個雪萉就算😂個雪萉好正，酸酸甜甜好fresh 好解膩👍🏻最後餐廳仲贈送咗個朱古力雪糕球，為今餐帶嚟一個美好嘅總結！🥰
張貼
