至尊重慶雞煲 (創興廣場)

營業中

休息中

[ 至尊重慶雞煲 ]每次同朋友係旺角想食雞煲放題🐔🍲都會嚟呢間餐廳，晚市2.5小時任飲任食，仲要全日免收加一服務費。✿ 任點任食B餐 $228/位（4:30pm-9:30pm入座）$198/位（9:30pm後入座）星期五六日、公眾假期及前夕每位+$10前菜食雞煲前去自助區望望，有涼拌雲耳、麻辣拍青瓜、泡椒鳳瓜等開胃前菜。雞煲🐔🍲雞煲有6款口味，有辣有唔辣，有最常見嘅重慶麻辣雞煲，另外有一款係邪惡之作「拉絲芝士雞煲」。二人有半隻雞份量，雞肉大件啖啖肉，面頭鋪滿厚厚拉絲芝士🧀及忌廉醬汁，夠哂惹味。每位+$20可以任食雞煲，或者留返個肚加高湯繼續打邊爐🤤。火鍋配料🍲呢個B餐任食海鮮有廣島蠔、沙白、日本帆立貝、紐西蘭青口；任食肉類有澳洲牛肩胛肉眼、黑毛豬梅花、小肥羊肉等。另外任食配料有花膠、丸類、蔬菜、麵類等，種類款式都幾多。飲品🥤🧃🍺任飲汽水、紙包罐包飲品等等。酒精飲品有啤酒 (嘉士伯、獅威)、生啤（1664、朝日）。甜品🍨 有雪米糍、雪條、自製棉花糖、啫喱糖等等。總結🫦 相信好多朋友仔都食過/聽過呢間任食雞煲火鍋店，地點方便，價錢公道，仲要全日免收加一服務費👍。✿✿✿✿✿✿✿✿✿✿✿✿✿✿