一起果醬 (已搬遷) 新店位置

好喜歡可以睡到自然醒嘅weekend。可以11點半起身，再慢慢享受賴床嘅時間，然後1點半用最悠閒嘅心情去食個豐富嘅brunch。西貢Let's Jam絕對係假日下午首選，西貢呢個地方本來就很有holiday mood，雖然Let's Jam望唔到海，但係呢間位於市場街嘅小店被cafe同小商鋪環繞，加上藍白色設計同露臺，都依然好有feel好舒服。最鍾意呢度嘅all day breakfast，set都係$98，可以加杯$30以下嘅飲品，＄30以上就補差價。份量多，又多唔同野食係入面，有最喜歡嘅蘑菇，煙肉煎得好脆，腸仔兩條都唔同款好有誠意。重點﹣多士配自家製果醬，有好多款果醬可以選擇，款式都幾特別。今次試左桂花雪梨，甜得泥又幾清，加埋外脆內軟嘅厚身多士，好好味。如果牛油唔係咁硬咁難搽就更好～野飲叫左smoothie，特別嘅係可以揀任何一款果醬嘅味泥整，呢次揀左青檸青蘋果（因為好熱!）本來有啲驚會酸，結果又冇。佢加左yogurt落去整，甜甜地又好fresh。懶惰地傾住計食野歎cafe，轉頭唔洗趕返公司，可以仲有一整天地hea個感覺好爽haha