影片
更多
2023-07-27
330 瀏覽
突然間好想食龍蝦包，所以嚟到OpenRice選擇，發現西環有一間主打龍蝦嘅餐廳。於是山長水遠嚟到西環食龍蝦包。呢間餐廳環境比較chill, 我哋今次坐bar枱。雖然好近馬路，但係因為附近冇乜車，所以都唔算話食塵。見到Menu有好多食物都好吸引，當然我哋嗌咗佢個主打龍蝦包，同埋叫咗個龍蝦pasta。講講個龍蝦包先，嚟到嘅時候，其實見到佢個顏色唔算話好吸引。個龍蝦包雖然好多龍蝦肉，但係個醬汁係普通嘅沙律醬，覺得冇乜驚喜。另外個龍蝦pasta味道不錯，但係我相信如果用意粉或者天使麵，會比較好。因為佢呢個長通粉唔係好掛汁，所以食落，我覺得有進步嘅空間。小小嘅意外，當我哋食完個龍蝦包同埋個龍蝦pasta之後。個staff突然上多份全隻龍蝦配薯條，which is 我哋冇叫過。但係個職員好強調經理落order嘅時候，有落到。但係經理離開咗，佢需要聯絡返經理問返個情況。雖然去到最後，佢免費幫我哋打包咗呢份全隻龍蝦配薯條。因為佢哋話如果我哋唔要，佢哋都會揼咗去。為免唔好浪費食物，所以送俾我哋。但係感覺都唔太，因為個過程需要我哋等咗好耐，等佢經理回覆咗，先肯俾我哋買單離開。Anyway 去到最後返到屋企
呢間餐廳環境比較chill, 我哋今次坐bar枱。雖然好近馬路，但係因為附近冇乜車，所以都唔算話食塵。
見到Menu有好多食物都好吸引，當然我哋嗌咗佢個主打龍蝦包，同埋叫咗個龍蝦pasta。
講講個龍蝦包先，嚟到嘅時候，其實見到佢個顏色唔算話好吸引。個龍蝦包雖然好多龍蝦肉，但係個醬汁係普通嘅沙律醬，覺得冇乜驚喜。另外個龍蝦pasta味道不錯，但係我相信如果用意粉或者天使麵，會比較好。因為佢呢個長通粉唔係好掛汁，所以食落，我覺得有進步嘅空間。
小小嘅意外，當我哋食完個龍蝦包同埋個龍蝦pasta之後。個staff突然上多份全隻龍蝦配薯條，which is 我哋冇叫過。但係個職員好強調經理落order嘅時候，有落到。但係經理離開咗，佢需要聯絡返經理問返個情況。
雖然去到最後，佢免費幫我哋打包咗呢份全隻龍蝦配薯條。因為佢哋話如果我哋唔要，佢哋都會揼咗去。為免唔好浪費食物，所以送俾我哋。但係感覺都唔太，因為個過程需要我哋等咗好耐，等佢經理回覆咗，先肯俾我哋買單離開。Anyway 去到最後返到屋企食嗰個全隻龍蝦配薯條，未到出奇意料地好。相信如果大家去到呢間餐廳嘅時候堂食會更加好。
張貼
