影片
更多
2023-12-05
650 瀏覽
最近K11 musea開咗間點心店主打精美中式點心盒價格非常實惠 CP值好高餐廳亦有提供多款點心及中式美食質素同賣相都相當唔錯🔸點心盒·春 $128呢到嘅點心盒非常豐富，有點心拼盤、精選小食、鳳爪排骨蒸飯同埋精美甜品。點心拼盤有蝦餃、燒賣、蟹籽春卷同埋鹹水角。精選小食有青瓜雲耳同埋菜心。鳳爪排骨蒸飯亦都好有水準，成個點心盒嘅味道平衡得好好，而且相當健康。🔸花之戀［蟹籽春卷］$46師傅將頂部嘅春卷皮切成條狀再油炸，令到外觀好似一朵花咁樣，再喺面層鋪上蟹籽，賣相好吸睛。食落口感好香脆，但唔會好油膩，非常出色。🔸增城掛綠奶黃釀荔枝球 $46外觀睇落真係好似一粒荔枝咁，賣相相當精緻。食落外層好酥脆，中間有奶黃做感，口感外脆內軟。🔸和牛山煎包 $68上菜時用鐵盤熱住上保溫，相當貼心。包嘅上下兩面都煎到好金黃，食落外層香脆，包嘅質感好軟熟，內裡嘅和牛餡料爆哂肉汁，非常juicy。🔸京蔥爆嫩牛片 $168份量好多，絕對夠兩個人食。牛肉片炒完之後都好嫩滑，京蔥口感好爽口，兩者配合令口感好有層次。醬汁嘅比例都恰到好處，味道唔會太鹹。🔸脆香蛋散 $46蛋散賣相金黃香脆，加埋糖漿落去真係流哂口水。食落蛋味好
主打精美中式點心盒
價格非常實惠 CP值好高
餐廳亦有提供多款點心及中式美食
質素同賣相都相當唔錯
🔸點心盒·春 $128
呢到嘅點心盒非常豐富，有點心拼盤、精選小食、鳳爪排骨蒸飯同埋精美甜品。點心拼盤有蝦餃、燒賣、蟹籽春卷同埋鹹水角。精選小食有青瓜雲耳同埋菜心。鳳爪排骨蒸飯亦都好有水準，成個點心盒嘅味道平衡得好好，而且相當健康。
🔸花之戀［蟹籽春卷］$46
師傅將頂部嘅春卷皮切成條狀再油炸，令到外觀好似一朵花咁樣，再喺面層鋪上蟹籽，賣相好吸睛。食落口感好香脆，但唔會好油膩，非常出色。
🔸增城掛綠奶黃釀荔枝球 $46
外觀睇落真係好似一粒荔枝咁，賣相相當精緻。食落外層好酥脆，中間有奶黃做感，口感外脆內軟。
🔸和牛山煎包 $68
上菜時用鐵盤熱住上保溫，相當貼心。包嘅上下兩面都煎到好金黃，食落外層香脆，包嘅質感好軟熟，內裡嘅和牛餡料爆哂肉汁，非常juicy。
🔸京蔥爆嫩牛片 $168
份量好多，絕對夠兩個人食。牛肉片炒完之後都好嫩滑，京蔥口感好爽口，兩者配合令口感好有層次。醬汁嘅比例都恰到好處，味道唔會太鹹。
🔸脆香蛋散 $46
蛋散賣相金黃香脆，加埋糖漿落去真係流哂口水。食落蛋味好香，作為飯後甜品真係一流。
張貼
