影片
更多
2020-11-24
818 瀏覽
💛💛💛大飯糖甜品小食屋💛💛💛夜麻麻又想食熱食，又想食糖水。係Apps到是但搵，搵左係大圍美林邨既依間餐廳。佢吸引我地既地方係好似乜都有得食，熱食有飯麵、小食，凍食有糖水、特飲等等😆。我地嗌左一份主食同一份甜品。環境唔錯，好多枱好多位，我估平時晚飯時間都唔洗等位。冬菇蘿蔔湯麵（蕃茄湯底）$37我哋expect剩係得冬菇同蘿蔔做餸，但係點知仲有啲生菜同紅蘿蔔，真係嚇死人😂。我冇諗過$37一碗麵會有咁多料，真係好過份😍。分別講返唔同餸嘅味道先，冬菇好厚身，咬落去有汁架，非常之好食，唔係啲垃圾菇😋！生菜都唔係一啲難食嘅生菜，仲有少少爽口。因為有少少煮過龍🤨，如果煮既時間短少少仲好，應該會更爽脆。蘿蔔都有索到啲湯，因為食落唔夠淋，煮耐啲更好🧐。講返個蕃茄湯底，少少假，應該係番茄醬少少鮮茄煮成。好處係超級濃郁，煮到湯到杰身架，姐係夾起條麵，啲湯係掛左係麵到，當佢沾麵咁食啦😂。男朋友鍾意蕃茄，佢覺得好正。我唔鍾意，就筆少啲湯😆。最過分嘅係$37並唔係單點一碗麵嘅價錢，仲送糖水或者飲品。我哋揀咗凍腐竹糖水，因為係星期一至四去食，所以唔使加錢。重點係！竟然好好食😍，平時啲餐廳係腐竹還腐竹，水還水。依到唔
夜麻麻又想食熱食，又想食糖水。係Apps到是但搵，搵左係大圍美林邨既依間餐廳。佢吸引我地既地方係好似乜都有得食，熱食有飯麵、小食，凍食有糖水、特飲等等😆。我地嗌左一份主食同一份甜品。環境唔錯，好多枱好多位，我估平時晚飯時間都唔洗等位。
冬菇蘿蔔湯麵（蕃茄湯底）$37
我哋expect剩係得冬菇同蘿蔔做餸，但係點知仲有啲生菜同紅蘿蔔，真係嚇死人😂。我冇諗過$37一碗麵會有咁多料，真係好過份😍。分別講返唔同餸嘅味道先，冬菇好厚身，咬落去有汁架，非常之好食，唔係啲垃圾菇😋！生菜都唔係一啲難食嘅生菜，仲有少少爽口。因為有少少煮過龍🤨，如果煮既時間短少少仲好，應該會更爽脆。蘿蔔都有索到啲湯，因為食落唔夠淋，煮耐啲更好🧐。講返個蕃茄湯底，少少假，應該係番茄醬少少鮮茄煮成。好處係超級濃郁，煮到湯到杰身架，姐係夾起條麵，啲湯係掛左係麵到，當佢沾麵咁食啦😂。男朋友鍾意蕃茄，佢覺得好正。我唔鍾意，就筆少啲湯😆。
冬菇蘿蔔湯麵（蕃湯底）
$37
129 瀏覽
0 讚好
0 留言
最過分嘅係$37並唔係單點一碗麵嘅價錢，仲送糖水或者飲品。我哋揀咗凍腐竹糖水，因為係星期一至四去食，所以唔使加錢。重點係！竟然好好食😍，平時啲餐廳係腐竹還腐竹，水還水。依到唔係，佢真係有煮溶啲腐竹，食落去個糖水好厚身，唔會水了了咁。除咗腐竹糖水仲可以唔加錢揀菠蘿冰，或加錢有紅豆沙綠豆沙紫米露等等。
腐竹糖水
73 瀏覽
1 讚好
0 留言
芒果爺爺（芒果、3.6軟雪糕、原隻鮮椰皇果凍）$68
芒果爺爺個價錢仲貴過我食一碗麵，但食落又覺得值喎💕，一來好好食，二來好大份😍，我地兩個share岩岩好，唔會唔夠喉。成個甜品可以分幾部份，分別係雪糕、椰凍、芒果、椰子殼。雪糕方面第一啖食落去竟然有麥當勞嘅味道，我哋心諗今次一定中伏啦，之後再慢慢食，開始覺得好重奶味，好好食🥳。之後食芒果，感覺上芒果冇浸過糖水，因為佢唔係一陣死甜味。椰凍係最正嘅一個部份😍，因為椰凍非常之清，唔會過甜，食落去好似飲緊椰汁水咁，就好似食緊固體嘅椰汁水，呢個係畫龍點睛嘅一個部份。椰子款啲肉唔滑，所以我地都無挖黎食😂😂。
芒果爺爺
$68
45 瀏覽
0 讚好
0 留言
成篇野打到好似打手文咁😂，但真係好正！睇我其他食評就知，我會話間餐廳難食，但依間真係無野好批評💕。我一定會返嚟呢間餐廳再食過，仲要有免費泊車啊！！！！
埋單$105（無加一）
張貼
