鯛魚魚湯專門店 (已結業)

餐廳門面裝飾有日本風格，入面坐得都尚算舒服，價錢合理！ 🍴 雞塊唐揚魚湯烏冬 ($75) ⭐️⭐️⭐️⭐️💫 份量非常足！成大半碟都係炸雞，炸得唔會好油，雞肉做到熟透而且滑嫩，唔錯！至於魚湯湯底，香濃熬制嘅鯛魚湯果然名不虛傳，好香魚味又唔似好重味精咁，個人認為好鐘意！ 🍴 安格斯牛肉蕃茄鯛魚湯烏冬 ($88) ⭐️⭐️⭐️ 同張圖有少少出入，牛肉肉質冇影出黎咁多雪花，食落有d韌，似係好普通嘅牛肉。蕃茄鯛魚湯就比蕃茄覆蓋哂d魚味，只係食到蕃茄味。如果鐘意魚湯建議叫鯛魚湯底，唔好要蕃茄鯛魚湯。 🍴 巨峰提子梳打 ($20) + 完熟桃味梳打 ($20) ⭐️⭐️⭐️💫 飲品原支上，幾鐘意巨峰提子味，好飲！而桃味就有d過甜，味道一般。 .............................. 鯛魚魚湯專門店 地址📍: 鰂魚涌海堤街6-16號龍景大廈地下3A舖 總評分: 7/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️ 衛生🧹: ⭐️⭐️⭐️💫 抵食💰: ⭐️⭐️⭐️💫