Day and Nite by Master Kama (已結業)

近排做得抖唔到氣，更係要對自己好一點，就約指定飯腳出去食好西，飯腳話帶我去食海鮮，約左係旺角等，心唸奇奇怪怪，食海鮮點解去旺角，咁我都冇多問，會合左佢就帶我去餐廳，原來今次帶我去食龍蝦朋友訂左位，去到都唔洗等就可以安排入座，餐廳係一樓。 一坐底就即刻睇餐牌，睇到我，龍蝦都算多選擇，我地兩個都點左幾多野，燒原條茄子，龍蝦玉子燒，燒雞泡魚干，燒牛舌，燒雞腎，燒多春魚，燒安格斯牛柳，龍蝦芝士長通粉，烤蒜蓉焗牛油龍蝦, 我仲叫埋支桃味既cider，盡興d先黎到既係原條茄子，呢度勁細心，將原條茄子已經去皮，茄子保存水份，燒得好好！之後就上埋串燒，牛舌味道好好，如果燒得乾身少少會更好；安格斯牛柳都燒到岩岩好，都好重牛味！雞泡魚干都燒得好乾身，呢度燒物都幾有水準重頭戲陸續上場，先黎龍蝦玉子燒，賣樣已經好吸引，急不及待幫佢開刀，嘩，好鬼有誠意，龍蝦啖啖肉，份量岩岩好，不能錯過再黎係烤蒜蓉牛油龍蝦，呵呵呵，龍蝦焗得剛剛好，唔乾身，口感仲好彈牙，味道仲好鮮味，抵讚，佢個薯條都幾有誠意，會用埋甜薯黎做薯條，美味；跟住上場係龍蝦芝士，賣相已經好吸引，超濃芝士配長通粉，味道岩岩好，唔太咸，嘻嘻！