阿麥廚房 (已結業)

今日出銅鑼灣阿麥廚房試下個晚市套餐。前菜升級左大蝦占米多，全因名字好特別，好吸引。湯即升級黑松露菌忌廉湯，而主菜就選了德國式燒咸豬手。先係大蝦占米多，雖然唔知「占米多」係代表甚麼，但廚師起左全隻蝦肉切粒，加上磨菇粒及洋蔥粒一齊煮熟後，放回蝦殼上，擺盤精美，味道濃而且爽口彈牙。而黑松露菌忌廉湯，黑松露好香，加上有細細粒磨菇粒，令濃郁忌廉湯中帶有鮮甜香味。德國式燒咸豬手，份量很大，外皮脆卜卜，但肉質鮮嫩又唔會乾，炸薯條更是有驚喜，好脆好鬆化，簡直食唔停口！最後選了凍蜜桃茶，好香好甜蜜桃味，滿足的一餐！