彩福皇宴 (已結業)

公司成日都會一大班人去飲茶，今次都唔例外，去咗彩福食點心，其實佢啲點心一直都好高質。鮑汁鳳爪以為係一小碗鳳爪，原來都幾大兜，大概有5-6隻鳳爪，隻隻都肥美大隻。鮑汁鳳爪忟得好入味，甜甜地有陣鮮甜味，蒸點未到之前啜下鳳爪都可以過下口癮。蝦餃每粒蝦餃都包住原隻大蝦，蝦仁爽口之餘佢層皮都幾香，熱辣辣擺一粒落口食到滿嘴都係蝦，好滿足。排骨都比得幾多，下面鋪咗芋頭，嗦晒排骨的肉汁香味，精華係晒入面。鴨腳札呢係包得好豐富，入面鴨又大舊，仲有火腿同埋芋頭。