Tapa Room (宏利廣場)

營業中

休息中

公司附近最近開左間食鬼酒吧，原來係人氣西班牙🇪🇸餐廳Tapa Room喺觀塘開左分店😍。環境寬敞，氣氛一流，仲好好食！落左Order 一陣，遠處飄來一陣燒蝦味😌是日餐湯 #西蘭花忌廉湯飲落口啖啖🥦西蘭花溶，真係好似食緊一棵西蘭花咁。頭盆 #薄切慢煮八爪魚 慢煮可以保持八爪魚🐙嘅鮮味，再加蕃茄、蔬菜溶、橄欖油等自製醬料，食出西班牙風味。#西班牙黑毛豬火腿蕃茄脆包火腿甘香味濃，配上🍅蕃茄脆包，乾脆得黎帶點juicy。主菜 #巴塞隆拿式燒蝦是Tapa Room的必試菜式，🦐燒蝦好香，以唔同嘅香料、香草、橄欖油香煎，食出唔同層次嘅味道。我拼了 #西班牙蕃茄紅飯 ，煮得淋淋的剛剛好，還有一點香草味，很特別。主菜 #西班牙黑毛豬鞍架 伴些厘醋燒汁黑毛豬🐷煮得非常出色，容易切開、肉質厚實，食落亦有豐富豬味。餐飲 #西班牙水果特飲 ，用🍊橙、🍎蘋果、🍋檸檬與蘇打調製而成，健康又美味。#玉桂蘋果薑蜜 玉桂有西班牙國王👑般嘅的美譽，係一款排毒飲品，亦是健康之選。觀塘友行過去Tapa Room都只係10分鐘左右，絕對值得一試👍🏻餐具都好獨特。