錦麗 (屯門市廣場) (已結業)

每次食越南嘢我通常都會揀豬扒/ 豬頸肉撈檬, 唯獨係去🔸錦麗🔸, 就一定會揀佢嘅牛肉金邊粉, 因為不論湯底定牛肉都做得好出色!🍤 特色小食拼盤(金絲網蝦春卷, 越式蔗蝦, 法式蒜蓉牛油雞翼 & 香茅豬扒)蝦春卷整得脆卜卜。越式蔗蝦有好多蝦肉, 爽滑彈牙。牛油雞翼好嫩滑。香茅豬扒燒得好香口, 雖然厚切不過肉質保持軟腍。🍲 胡志明綜合金邊粉綜合粉內有生牛肉, 熟牛肉同牛丸, 有濃濃嘅牛肉味不過唔會覺得羶。牛肉湯底味道濃郁, 就咁飲都唔會覺得口乾, 不過會有少少油膩。🧋香濃美祿美祿味好香濃, 一d 都唔甜, 人大咗真係好少會飲美祿, 一邊飲一邊諗起小時候。整體食物飲品都好好, 如果餐廳職員可以細心d 就再好d 喇。