影片
更多
2023-11-10
413 瀏覽
好耐冇食過漢堡包，今日嚟西環做嘢，心血來潮，想食返個滋味漢堡，醒起第一街嗰間人氣漢堡店「Burger Joys」，立即坐言起行。冇嚟一排，店面依舊，裝潢採美式風格，牆上掛有顧客享用美食時嘅照片，配以一室落地大玻璃，感覺開揚不侷促。點咗芝士牛肉漢堡 ($110) 同 魚柳漢堡 ($90)，+$42 可升級套餐，包罐裝汽水或啤酒及薯條。漢堡扒選用 USDA 美國安格斯牛肉，再加入紅酒及牛油炮製，入口牛味好香濃，肉質軟嫩，濕潤度亦啱啱好，能食到適當肉汁！麵包厚度啱啱好、軟熟富彈性；芝士半溶化、增添潤澤；加埋新鮮蕃茄、嫩綠生菜同爽脆紫洋蔥一齊食，令整個 Burger 層次更豐富，頂級滋味！魚柳漢堡水準亦唔錯，魚柳很厚身、大大塊，新鮮即炸，食落好香脆，入面嘅魚肉好嫩滑，麵包富牛油香，配搭生菜、蕃茄、半熔芝士和醬汁，邪惡又美味~~套餐揀咗罐可樂同薯堡，薯堡細細粒，炸得好香口，外脆內綿，一啖一粒，味道甚佳，推薦！
好耐冇食過漢堡包，今日嚟西環做嘢，心血來潮，想食返個滋味漢堡，醒起第一街嗰間人氣漢堡店「Burger Joys」，立即坐言起行。
冇嚟一排，店面依舊，裝潢採美式風格，牆上掛有顧客享用美食時嘅照片，配以一室落地大玻璃，感覺開揚不侷促。
點咗芝士牛肉漢堡 ($110) 同 魚柳漢堡 ($90)，+$42 可升級套餐，包罐裝汽水或啤酒及薯條。
漢堡扒選用 USDA 美國安格斯牛肉，再加入紅酒及牛油炮製，入口牛味好香濃，肉質軟嫩，濕潤度亦啱啱好，能食到適當肉汁！
麵包厚度啱啱好、軟熟富彈性；芝士半溶化、增添潤澤；加埋新鮮蕃茄、嫩綠生菜同爽脆紫洋蔥一齊食，令整個 Burger 層次更豐富，頂級滋味！
魚柳漢堡水準亦唔錯，魚柳很厚身、大大塊，新鮮即炸，食落好香脆，入面嘅魚肉好嫩滑，麵包富牛油香，配搭生菜、蕃茄、半熔芝士和醬汁，邪惡又美味~~
套餐揀咗罐可樂同薯堡，薯堡細細粒，炸得好香口，外脆內綿，一啖一粒，味道甚佳，推薦！
張貼
