影片
更多
2020-06-08
611 瀏覽
小編對「嘉寶漢堡」嘅印象，係以前成日夜晚六七點就會喺社交平台出post話啲食材賣晒，要提早收舖😂 同埋成日都大排長龍，搞到小編今次都係第一次食。今次揀咗去尖沙咀店，餐廳size比葵涌嗰間細，但就同個廚房近啲😏 😋 黑松露芝士牛堡 $50😋 漢堡套餐：薯條+汽水 +$15落完單坐低，過幾分鐘個餐就整好，侍應將個擺低個餐嗰一刻已經聞到好大陣黑松露味，底面兩層包係黑松露醬、芝士、牛肉、蕃茄同埋一塊大生菜。兩層包都係有烘過，塊牛係手打牛肉，食落口好juicy同埋比較軟身，仲食得出啲牛筋，原來嘉寶嘅漢堡扒係用牛肋條整，再用慢煮方法烹調。黑松露醬嘅份量都好多，每啖都會咬到黑松露入口。漢堡扒下面嘅蕃茄生菜無畀啲醬污染，令個包好fresh～ 薯條方面係用咗粗薯條，茄汁要自己出去按自己需要撳。薯條係即炸，所以由第一條食到食完個包再食最後一條薯條，條條都係熱嘅，入啲啲薯仔好香馬鈴薯味，唔太鹹，份量都幾多～食完嘉寶，小編真心唔明點解咁多人仲係戒唔甩金拱門。就算金記唔係中資背景，其實都好值得搵替代。由環境到食物質素，由塊包到塊漢堡扒再到塊生菜，金記都無一樣係好過嘉寶，金記塊包就直接用塊凍嘅嘉頓包，芝士得半塊仲
😋 黑松露芝士牛堡 $50
😋 漢堡套餐：薯條+汽水 +$15
落完單坐低，過幾分鐘個餐就整好，侍應將個擺低個餐嗰一刻已經聞到好大陣黑松露味，底面兩層包係黑松露醬、芝士、牛肉、蕃茄同埋一塊大生菜。兩層包都係有烘過，塊牛係手打牛肉，食落口好juicy同埋比較軟身，仲食得出啲牛筋，原來嘉寶嘅漢堡扒係用牛肋條整，再用慢煮方法烹調。黑松露醬嘅份量都好多，每啖都會咬到黑松露入口。漢堡扒下面嘅蕃茄生菜無畀啲醬污染，令個包好fresh～ 薯條方面係用咗粗薯條，茄汁要自己出去按自己需要撳。薯條係即炸，所以由第一條食到食完個包再食最後一條薯條，條條都係熱嘅，入啲啲薯仔好香馬鈴薯味，唔太鹹，份量都幾多～
黑松露芝士牛堡
$50
11 瀏覽
0 讚好
0 留言
薯條
9 瀏覽
0 讚好
0 留言
食完嘉寶，小編真心唔明點解咁多人仲係戒唔甩金拱門。就算金記唔係中資背景，其實都好值得搵替代。由環境到食物質素，由塊包到塊漢堡扒再到塊生菜，金記都無一樣係好過嘉寶，金記塊包就直接用塊凍嘅嘉頓包，芝士得半塊仲要唔溶嘅，牛肉就算係足三両都係硬掘掘嘅，無肉汁仲要係榎口，塊菜都通常切晒絲同索晒啲汁。到包薯條，金記唯一出色係多到食唔晒，但又幼又有一半係炸到硬晒。講到價錢，原來安格斯磨菇牛堡餐都要40幾蚊，咁喺多方面都輸畀其他漢堡小店嘅情況下，希望大家諗諗係咪真係要繼續食金記啦🥺
⭐️評分⭐️（5⭐️為滿分）
味道 ⭐️⭐️⭐️⭐️⭐️
環境 ⭐️⭐️⭐️⭐️
抵食 ⭐️⭐️⭐️⭐️⭐️
張貼
