影片
更多
2023-11-24
1688 瀏覽
放工同朋友食晚飯，揀左佢公司附近的明記，聽佢講呢度啲餸好食又大碟，平日晚都一位難求㗎。一上樓梯就比佢嘅潮洲檔吸引住，龍蝦、瀨尿蝦、凍蟹🤤潮洲滷水都正喎。真係好旺場喎，得返最尾嘅枱咋。坐低後伙計就開茶同送上前菜、餐牌等，效率好高。⭐前菜潮州三寶入面嘅二寶，有鹹菜同花生，淨係啲兩樣嘢都可以食到成鍋白粥🤤呢度真係做得好出色，爽脆鹹香，正。⭐椒鹽白飯魚炸得香脆乾身不油膩，白飯魚算大條，並無厚粉漿👍香口野真係幾正。⭐沙嗲牛肉芥蘭沙嗲汁香甜惹味，牛肉嫩滑好好食，唯芥蘭略生少少，有啲青菜澀味。⭐黃金四季豆主角來了，非常喜愛食鹹蛋黃嘅朋友指定要點呢樣，佢本身仲想嗌埋黃金鮮魷同黃金九肚魚，不過如果全餐都食黃金嘅話肯定好熱氣，制止佢先至唔叫咋。個鹹蛋黃醬好厚身，完完全全包住條四季豆，鹹香鮮味極正🤤食落一啲都唔膩。⭐白飯啲餸咁正咁係要整返碗白飯啦😋傳說中嘅大排檔字體，又真係唔係好睇得明😆PS～有wifi😆
一上樓梯就比佢嘅潮洲檔吸引住，龍蝦、瀨尿蝦、凍蟹🤤潮洲滷水都正喎。
真係好旺場喎，得返最尾嘅枱咋。坐低後伙計就開茶同送上前菜、餐牌等，效率好高。
⭐前菜
潮州三寶入面嘅二寶，有鹹菜同花生，淨係啲兩樣嘢都可以食到成鍋白粥🤤呢度真係做得好出色，爽脆鹹香，正。
⭐椒鹽白飯魚
炸得香脆乾身不油膩，白飯魚算大條，並無厚粉漿👍香口野真係幾正。
⭐沙嗲牛肉芥蘭
沙嗲汁香甜惹味，牛肉嫩滑好好食，唯芥蘭略生少少，有啲青菜澀味。
⭐黃金四季豆
主角來了，非常喜愛食鹹蛋黃嘅朋友指定要點呢樣，佢本身仲想嗌埋黃金鮮魷同黃金九肚魚，不過如果全餐都食黃金嘅話肯定好熱氣，制止佢先至唔叫咋。個鹹蛋黃醬好厚身，完完全全包住條四季豆，鹹香鮮味極正🤤食落一啲都唔膩。
⭐白飯
啲餸咁正咁係要整返碗白飯啦😋
傳說中嘅大排檔字體，又真係唔係好睇得明😆
PS～有wifi😆
張貼
