燒肉酒場 (已結業)

香港少有嘅成吉思汗烤肉店，環境裝修非常日式，烤肉方式獨特，用左圓拱形鍋，蔬菜會放係鍋嘅邊邊．等肉汁渗入蔬菜中，蔬菜吸收左燒肉嘅油脂更加香。蟹肉通粉甲羅燒通粉質地柔軟，吸收晒忌廉嘅濃郁風味，口感綿密。海膽熔岩魚餅海膽份量非常之多，海膽嘅鮮甜味道在口中散開，灰色嘅魚餅就好似熔岩咁，魚餅彈牙。和牛盛盒一次過試晒5款和牛，包括和牛背峰、和牛肩、和牛三角胸小排、和牛西冷和和牛肉眼等。和牛背峰肉質細膩，和牛肩充滿住肉嘅鮮美和嚼勁，和牛三角胸小排肉質豐腆，和牛西冷肉質緊實，和牛肉眼帶有濃郁嘅牛肉香氣。蒙古羊卷肉口感帶有一定嘅嚼勁，仍保持嫩滑，鍾意食羊肉嘅朋友一定要叫。炭火雞腿肉雞腿肉質地稍微有些緊實，肉質柔軟鮮嫩，燒完仲有肉汁，充滿住獨特嘅炭燒風味。石鍋泡菜羊肉飯用石鍋上枱熱辣辣，泡菜嘅辣味加上濃郁嘅羊肉味相互融合，風味獨特。自選四壼清酒北秋田純米大吟釀：口感柔和順滑，帶有一絲甜美嘅米香。勝山特別純米 緣：口感清爽、細膩，帶有微微嘅花香。伯樂星 特別純米：口感濃郁而醇厚，帶有一絲甜美嘅餘韻，讓人感到滿足和享受。匠純米大吟釀：口感精緻而馥郁，每一口都充滿住酒香和層次豐富嘅口感，令人陶醉其中。