濟州燒肉食堂

營業中

休息中

呢日同母親大人嚟九龍灣處理啲嘢✍~搞掂去咗德福廣場嘅food court覓食😏~估唔到有間韓燒幾企理,仲好多嘢食揀添!佢嘅大牛骨啲肉起好一粒粒,仲已經燒熟咗幾邊鎖住肉汁💦~喺個爐度烤多陣就食得,肉質好嫩~韓燒必食係豬五花🐷~佢嘅黑毛豬五花油脂足,烤完仲香~配少少泡菜同生菜食解下膩🥬~呢個月見牛肩肉肉味香濃🐮,喺爐上烘一烘好快就熟了~配搭埋專屬嘅溫泉蛋豉油🍳,蛋香加埋肉香不得了😋~超愛鰻魚嘅我忍唔住要點🤩,起晒骨咁一片好方便~烤鰻魚個皮超級脆,肉又夠厚又彈牙~唔夠飽點多個牛‧燒肉飯🥘~有燒香咗嘅牛肉,飯面仲鋪咗泡菜芽菜同溫泉蛋🥚~朱古力棉花糖係邪惡max嘅甜品😍!呢度個爐比較夠溫度,所以啲棉花糖可以燒到焦焦地超級靚🍡~食燒肉最夾就係馬格利生米酒🍶~甜甜地,連母親大人都覺得易入口~佢哋啲小食泡菜芽菜全部都任點👏,仲有泡菜蛋同埋芝士粟米🧀~啲芝士燒到焦香嘅時候最好食👍!