更多
2020-05-12
29 瀏覽
好少去到大埔搵食，但朋友話太和村附近好多又平又正嘅嘢食，就帶我去試吓。位於翠和里嘅芝加哥BBQ Bar好方便，門口有位停車，如果你好彩的話😆係外面睇以為係酒吧，原來係有正餐、有串燒又有酒飲的餐廳。首先，一入門口已經好抵讚，店內完全無燒烤味，抽風做得好好👍🏻因為我好怕食串燒食到個人全身烤味又焗，丁點臭味道都無呢一點好非常滿意！而且店內環境幾有氣氛，適合同朋友飲杯嘢傾吓計。飯類選擇唔算多，但串燒種類就非常多！而且價錢都幾抵。招牌茄子燒($32)茄子燒非常驚喜，推介！我本來係唔鍾意食茄子的。但燒茄子出奇的香口，配上蒜蓉同少少蔥花味道好夾，令本來淡味的茄子變得非常惹味。我哋連皮都食埋，燒咗的皮口感好特別，少少脆有咬口。炭燒豬頸肉($19)一串豬頸肉只係$19，有五小嚿，好抵啊！燒得非常香口，外脆內滑，肥瘦比例好，唔會燒到乾晒！香烤黃花魚($88)第一次食烤魚，要等嘅時間雖然比較長，但好值得的！外皮烤得香脆，掀開裡面魚肉仲好嫩滑，而且多汁。烤魚只係用咗鹽醃咗，灑上少少檸檬汁味道好夾，亦都帶出黃花魚嘅鮮味，唔需要點調味料都好夠味。不過黃花魚比較多骨，大家食嘅時候要小心啊。蜜糖黑豚扒珍珠飯($78)
好少去到大埔搵食，但朋友話太和村附近好多又平又正嘅嘢食，就帶我去試吓。
位於翠和里嘅芝加哥BBQ Bar好方便，門口有位停車，如果你好彩的話😆
係外面睇以為係酒吧，原來係有正餐、有串燒又有酒飲的餐廳。首先，一入門口已經好抵讚，店內完全無燒烤味，抽風做得好好👍🏻因為我好怕食串燒食到個人全身烤味又焗，丁點臭味道都無呢一點好非常滿意！而且店內環境幾有氣氛，適合同朋友飲杯嘢傾吓計。
飯類選擇唔算多，但串燒種類就非常多！
而且價錢都幾抵。
招牌茄子燒
0 瀏覽
0 讚好
0 留言
招牌茄子燒($32)
茄子燒非常驚喜，推介！我本來係唔鍾意食茄子的。但燒茄子出奇的香口，配上蒜蓉同少少蔥花味道好夾，令本來淡味的茄子變得非常惹味。我哋連皮都食埋，燒咗的皮口感好特別，少少脆有咬口。
炭燒豬頸肉($19)
炭燒豬頸肉
2 瀏覽
0 讚好
0 留言
一串豬頸肉只係$19，有五小嚿，好抵啊！燒得非常香口，外脆內滑，肥瘦比例好，唔會燒到乾晒！
香烤黃花魚($88)
香烤黃花魚
3 瀏覽
0 讚好
0 留言
第一次食烤魚，要等嘅時間雖然比較長，但好值得的！外皮烤得香脆，掀開裡面魚肉仲好嫩滑，而且多汁。烤魚只係用咗鹽醃咗，灑上少少檸檬汁味道好夾，亦都帶出黃花魚嘅鮮味，唔需要點調味料都好夠味。不過黃花魚比較多骨，大家食嘅時候要小心啊。
蜜糖黑豚扒珍珠飯($78)
蜜汁黑豚豬扒珍珠米
3 瀏覽
0 讚好
0 留言
黑豚扒燒得剛剛好！唔會軔亦唔會太淋，同其他燒物一樣，咬落口都係juicy！蜜糖汁配珍珠米，會忍唔住食好多飯🙈
Little Creatures IPA ($48)
Little Creature IPA
1 瀏覽
0 讚好
0 留言
朋友話試吓杯手工啤，好飲喎！同描述一樣，真係有淡淡果香味同時又留到啤酒花的苦澀味，女仔可以一試。
Mojito ($72)
Mojito
2 瀏覽
0 讚好
0 留言
甜甜地好易入口，份量都唔細。
三五知己約嚟飲杯嘢食吓串燒傾吓計，係一個好選擇❤️
張貼
