L'AMOUR

營業中

休息中

前幾日上網搵到太和一間新開嘅法國餐廳，可以同女朋友嘗試高質素嘅西餐。剛入餐廳門口，稍暗嘅環境中有一個明亮嘅水晶吊燈，十分耀眼。坐在舒適嘅沙發上聽著一些優雅舒適嘅音樂，我地可以暫時放低日常生活嘅壓力，好好放鬆心情，安靜地享受這個精緻嘅晚餐了。餐前我叫咗杯札幌啤酒，而女朋友叫咗杯Rose Cocktail with Aroma Bubble，一杯頗為特別嘅雞尾酒，特別之處在酒面上吹一個煙燻泡，爆破後焦香從煙而散，極具觀賞性！只可惜來不及捕捉泡泡破個刻，只是聞到了陣玫瑰花香味。我同女朋友一齊叫咗個自家製蟹餅配檸檬忌廉汁，酥炸後亦不太油膩，外脆內軟，蟹肉鮮甜帶鹹香，配合清新檸檬忌廉汁，不會太乾。當晚餐湯係粟米忌廉湯配蒜蓉法包，頗濃粟米甜香，不會太黏稠，仲有炸過嘅粟米粒同很香脆嘅蒜蓉法包。主菜叫咗法式香料烤龍蝦尾海鮮意大利飯，鮮甜嘅龍蝦尾肉已拆開出來，龍蝦尾殼只是配搭裝飾。帶子大大粒但柔軟度剛剛好，意大利飯裡面有洋薏米，口感十足。蒜片辣椒蟹肉扁意粉，每一口都有蟹肉鹹香，意粉口感有彈性。最後甜品《美女與野獸》，白煙散去後出現一朵艶麗的紅玫瑰，到底是什麼實在是意想不到 。