Non Kitchen

營業中

休息中

平日放工後約朋友晚飯，多會選擇油尖旺區，好處交通方便，但往往地方都較擁擠，空間感極小。今次在觀塘區工作的朋友，介紹來觀塘區工廈晚餐。位於觀塘區命脈鴻圖道，地面入夜後已較靜，位於一樓的 Non- Kitchen, 一推門好大驚喜，好大呀！簡直好似飯堂咁。可能時間還早，食客不多。生蠔有優惠價，$178 六隻，menu 寫住四隻歐洲，兩隻Gillardeau.上檯時，侍應細心介紹兩隻係愛爾蘭，兩隻係法國，兩隻係Gillardeau.愛爾的較細隻其餘的都好有肉地，新鮮。泡菜牛肉Pizza薄批脆脆邊，濃濃泡菜味， 連碎牛肉都有肉味。有驚喜， 值得一試再試。Set Dinner都幾多選擇， 我地試了炭燒西班牙黑豚鞍扒餐湯跟麵包，一件係蒜蓉包，另一件硬小小湯係超濃的玉米湯，玉米磨到好濃。水牛芝士蕃茄沙律蕃茄切一半，水牛芝士在内，很精緻呢！沙律菜很新鮮。豚鞍扒煎得外脆，肉質鬆軟。再有黃椒配菜，令這道菜清新返一點。跟餐可用半價換特色飲品，呢杯叫美人魚。