更多
2018-01-22
182 瀏覽
成日同女朋友經過e個餐廳都係排晒長龍，真係好利害呀！都真係想試好耐啦！咁今日同女友食完飯咁岩經過後,剛剛有兩個位，咁就即刻入去啦！餐廳裝修走文青風格，石屎牆、木枱櫈，像時下Cafe，感覺都非常舒服，而且陳列櫃上都好多精美擺設，成個舖感覺非常乾淨，食都食得舒服同安心。好啦！望下個餐牌先，非常多花款，有養生系列，燴雪梨，燴蘋果，雪蓮製品等....亦有以公雞碗盛載嘅刨冰系列，款式多，變化大，口味完全唔同，亦有小芭菲系列，以不同嘅皇牌雪糕再加一些配料做成，唔想食野嘅話，也有古樹紅茶及白茶系列，配搭都好創新，基本上鍾意食甜品嘅我出面都好少見，可能因為出面好多甜品店都無咩茶嘅製品，亦都顯出e間餐廳嘅特色，今時今日經營一家餐廳都好睇特色呀！咁我最後就選擇左佢個皇牌之選雪蓮•鐵觀音，而我女友亦選擇半熟芝士燉蛋。好啦，等左一陣，我叫果個雪蓮鐵觀音就到左啦，外觀非常靚啦，顏色配搭得非常好，咁我就首先食左個推介嘅雪糕先啦，據我所知，佢同用嘅gelato同ice cream係好大分別呀！Gelato含脂肪少但含糖量和含水量較大。因此會比ice cream較為健康，咁就可以放心食啦，雪糕好香濃茶味，香得黎唔會話
餐廳裝修走文青風格，石屎牆、木枱櫈，像時下Cafe，感覺都非常舒服，而且陳列櫃上都好多精美擺設，成個舖感覺非常乾淨，食都食得舒服同安心。
好啦！望下個餐牌先，非常多花款，有養生系列，燴雪梨，燴蘋果，雪蓮製品等....亦有以公雞碗盛載嘅刨冰系列，款式多，變化大，口味完全唔同，亦有小芭菲系列，以不同嘅皇牌雪糕再加一些配料做成，唔想食野嘅話，也有古樹紅茶及白茶系列，配搭都好創新，基本上鍾意食甜品嘅我出面都好少見，可能因為出面好多甜品店都無咩茶嘅製品，亦都顯出e間餐廳嘅特色，今時今日經營一家餐廳都好睇特色呀！咁我最後就選擇左佢個皇牌之選雪蓮•鐵觀音，而我女友亦選擇半熟芝士燉蛋。
好啦，等左一陣，我叫果個雪蓮鐵觀音就到左啦，外觀非常靚啦，顏色配搭得非常好，咁我就首先食左個推介嘅雪糕先啦，據我所知，佢同用嘅gelato同ice cream係好大分別呀！Gelato含脂肪少但含糖量和含水量較大。因此會比ice cream較為健康，咁就可以放心食啦，雪糕好香濃茶味，香得黎唔會話係膩，而佢都唔會話好似茶味咁樣甘香味，餐廳會係甘香味上再加d甜味，感覺好新鮮清新，而配料就有美顏雪蓮，雪蓮就無咩味道，但我都知道佢係一個好有益嘅野，所以都食晒，另外有琥珀桃膠，上網見到，桃膠是桃樹樹皮天然分泌出來的樹脂，會在樹上結成琥珀色的晶體。桃膠不但有助促進腸道蠕動，並可使人飽腹感增強，減少食物攝入，從而有助控制體重，同時有助排毒。雖然味道都係淡d，但係都幾有咬口，有口感，而同莓啦，莓就偏酸左d，成個甜品黎講配搭都非常好，個雪糕非常非常正，食完之後我根本唔洗飲水都唔會話個口好又甜又膩，而且重非常香茶味!
雪蓮鐵觀音
$66
21 瀏覽
0 讚好
0 留言
雪蓮鐵觀音
$66
25 瀏覽
0 讚好
0 留言
雪蓮鐵觀音
$66
23 瀏覽
0 讚好
0 留言
跟住就到我女友個半熟芝士燉蛋，賣相都係殺晒，e間餐廳所有嘅菜式都係非常專注外觀，正所謂相機食先呀ma!咁首先我地就食個朱古力普洱雪糕先啦！普洱雪糕堅係好濃茶味同朱古力味，濃得黎佢都唔會太甜，佢有朱古力嘅香同埋普洱茶嘅甘，跟住就到半熟芝士燉蛋啦，好香芝士味，而佢就唔會話焗到好硬，而係入口有d林，咁我女友就好得意咁攞支餅乾條黎點d芝士燉蛋，又幾好食wor!最後全部都食晒啦！總結，就係e間餐廳感覺上好乾淨，燈光夠光猛，而且好細心，牆邊座位係提高usb叉電裝置呀，不過就無線，而菜式都非常創新，將傳統茶葉融入甜品都幾費心思呀！之後我都一定會再黎試下佢d晚餐呀！我相信都一定會好正!
半熟芝士燉蛋
$63
35 瀏覽
0 讚好
0 留言
張貼
