帝樂 - 德國餐廳 (美利樓) (已結業)

日頭入赤柱已經打算夜晚係 king ludwig beerhall 度食, 但係又冇 book 位, 所以食完 lunch 就去問下有冇位, 服務員話一係 8:30pm 後, 但係冇露台位, 一係就 5:30pm 可以有露台位, 早 d 就早 d 啦.. 5:30pm 黎到直入唔使等, order 左佢地果日既 set dinner, 加埋佢地同名既 king ludwig 啤酒, 首先係德國農夫包, waiter 話係芝士同牛肝醬, 我地兩公婆正諗緊牛肝醬會唔會食唔慣? 但係食落又幾好味..之後黎個凍既芒果湯, 飲落都幾似楊枝金露, 不過入面係有肉, 我覺得真係幾好飲, 主菜有 salad, 帶子, 蝦同闊條麵, 不過點都唔夠主角犀利, 就係隻德國咸豬手, 咬落 d 皮好脆, d 肉都唔算太肥, 而且配埋酸菜, 唔會覺得漏..下次食再食德國菜既話, 都會考慮再入過黎赤柱..