鍋処雪舟 (已結業)

期望黎呢度食正宗有人serve嘅壽喜燒，點知在疫情下Menu黎左個大變身。。。依家已變為一間普通日式餐廳嘅 Menu，真係大失所望。。。食物質素尚算ok，但性價比就真係好低。價格上依然係高級餐廳價錢，但食物就只係普通日式餐廳嘅質素。。。壽司拼盤$490 - 真係一般壽司店質素。一品料理嘅壽喜燒 $688 (2人前) - A4和牛質素一錯，但2人前只俾左牛肉4片，真係大失所望。。。串燒牛舌$68 - 咸到一個點。。。串燒免治雞肉捧$48 - 相當不錯。值得一讚係環境舒適，俾左一間獨立房間享用晚餐。總結: 明白疫情下餐廳經營非常困難，所以將貨就價嘅情況十分普遍。而呢度就好似價錢無變，但食物質素大為降低。咁樣真係大大鼓勵市民留家抗疫自己煮飯。。。可能係餐廳老板用心良苦。