更多
2019-04-07
4015 瀏覽
今日有慶祝活動，所以就一行7人去沙田食自助餐！我地6點鐘就去到，第一時間就食海鮮先！全部海鮮都唔錯，幾新鮮，最好味係大青口，唔會覺得係擺左出黎好耐。跟住就排隊攞龍蝦，有兩款汁可以揀：一款係日式西京汁，另一款係芝麻汁。其實個職員無問到個客人想要咩汁，初初唔知道有兩款，原來要自己話俾佢聽想要咩汁既。兩款味道都唔錯，各有棒場客，我自己就鐘意西京汁多d喇！龍蝦肉都算唔錯，幾彈牙。跟住就食刺身同埋壽司，我淨係食左三文魚刺身同埋和牛壽司，三文魚好肥美，和牛壽司就唔算話太特別。熱食就有炸野、咖哩雞同埋湯麵，其實仲有一行熱食，不過我無影到😅炸野我食左吉列牛堡，本身以為會好香牛味，點知都係麻麻地，食左一半就無食。湯麵都食左個菜，有兩款湯：一款牛乳湯，一款蕃茄湯，我就覺得牛乳湯好味d, 不過又有人話個牛乳湯好腥。食食下聽到d 鈴鈴聲，原來佢會有表演，就係將呢個士多啤梨波溶左，入面會有d棉花糖跌落黎！睇就真係幾好睇😅佢地仲會失手添架😅出面既士多啤梨殼會跌左落地🤣佢表演完可以排隊拎佢既棉花糖，不過就真係好甜好甜好甜囉🤣🤣跟住就有行去甜品櫃，都有好多款式，不過我本身唔太好甜品，所以淨係食左芒果巾甸同埋法式焦糖布
我地6點鐘就去到，第一時間就食海鮮先！
全部海鮮都唔錯，幾新鮮，最好味係大青口，唔會
覺得係擺左出黎好耐。
跟住就排隊攞龍蝦，有兩款汁可以揀：一款係日式西京汁，另一款係芝麻汁。
其實個職員無問到個客人想要咩汁，初初唔知道有兩款，原來要自己話俾佢聽想要咩汁既。兩款味道都唔錯，各有棒場客，我自己就鐘意西京汁多d喇！龍蝦肉都算唔錯，幾彈牙。
跟住就食刺身同埋壽司，我淨係食左三文魚刺身同埋和牛壽司，三文魚好肥美，和牛壽司就唔算話太特別。
熱食就有炸野、咖哩雞同埋湯麵，其實仲有一行熱食，不過我無影到😅炸野我食左吉列牛堡，本身以為會好香牛味，點知都係麻麻地，食左一半就無食。湯麵都食左個菜，有兩款湯：一款牛乳湯，一款蕃茄湯，我就覺得牛乳湯好味d, 不過又有人話個牛乳湯好腥。
棉花糖蛋糕
57 瀏覽
0 讚好
0 留言
食食下聽到d 鈴鈴聲，原來佢會有表演，就係將呢個士多啤梨波溶左，入面會有d棉花糖跌落黎！睇就真係幾好睇😅佢地仲會失手添架😅出面既士多啤梨殼會跌左落地🤣佢表演完可以排隊拎佢既棉花糖，不過就真係好甜好甜好甜囉🤣🤣
跟住就有行去甜品櫃，都有好多款式，不過我本身唔太好甜品，所以淨係食左芒果巾甸同埋法式焦糖布丁，呢兩個都幾好食啵！
至於雪糕就係movenpick, 不過就無tiramisu 味，我就試左士多啤梨味同咖啡味，士多啤梨味就酸過龍，但咖啡味就幾濃幾好味！
最後食到咁上下，會有人派張咭仔俾你，每人一張，憑呢張咭就可以出去拎一個燉蛋，味道就普普通通啦，未去到會想再拎多個黎食囉😅
今次因為用左恒生咭，所以有65折，如果用正價黎食，我就覺得唔太抵食喇，因為本身諗住會有生蠔同羊架，點知兩樣都無，就有少少失望，野食都只係普普通通，未去到會想食第二次。
張貼
