椰小盅燉湯專門店 (太古城中心)

營業中

休息中

食到一半，見到隻小強喺個碗蓋邊爬爬吓，嗰吓都仲覺得食肆有一隻半隻都正常嘅，消滅咗佢就繼續食…但食食吓，又見有兩隻喺個餐盤爬爬吓，仲有一隻跌咗落佢碗仙草凍度🤮🤮🤮🤮🤮 同職員講，佢都只係好淡然咁換咗碗仙草冰我…然後，我又再發現多兩隻喺個餐盤度爬…🤮🤮🤮頂唔順，再同職員講，佢話因為旁邊有植物，所以有小強…話可以送小食/甜品俾我地，但因為已經食咗，所以唔會退返錢，仲問點解我地唔一早出聲叫佢地換個set……我真係無言！你估我好想食食吓見到一隻又一隻小強喺啲嘢食度！？咁惡劣嘅衛生環境，仲點咁有胃口再食？而且食物質素真係差咗，又變相加咗價(之前叫et大部份湯都可以揀、嘢飲任揀唔加價，依家有啲要加＄)。以前啲湯係原隻椰子上，好香好好飲…今日點完拎到先發現原來有啲款係用外賣膠碗上的，飲落去同之前係兩回事，感覺啲料差咗。之前覺得＄100有少貴，但湯真係得，依家啲湯不復之前，仲要衛生環境惡劣(最大鑊係員工唔當係一回事)，唔會再去。