火鍋煮場

營業中

休息中

呢間火鍋店唔好睇佢裝修麻麻哋，食物質素媲美尖沙咀銅鑼灣區嘅高質火鍋店但係價錢就保持返喺深水埗水平，啱晒我呢啲唔係食裝修嘅人。坐低先你兩個小食等齊人先開波打邊爐，叫咗炸雲吞同埋炸雞軟骨，炸雲吞似乎係自家製雲吞拎去炸，雞軟骨就一般貨色啦，配埋佢哋而家德國啤酒優惠一蚊一支真係抵到好得人驚，我哋都係咁以飲咗少少。湯底試咗清湯牛爽肉鍋，所謂嘅牛爽肉就好似介乎牛肉同埋牛筋之間，幾好食。海鮮就叫咗聖子同埋廣島蠔，啲聖子好新鮮同埋都幾大隻。佢個羊肉味道都唔錯，唔算太肥。呢度嘅手打院同埋雲吞都做得幾好，應該係自己整嘅因為食落去都覺得幾新鮮。呢度嘅黑毛豬柳豬肉味香而且咬落去煙煙韌韌好好食。另外我哋仲叫咗冰豆腐同埋菜。整體好食抵食。