Pom's Kitchen & Deli (已搬遷) 新店位置

突然好想二人世界食西餐，聽同事講Pom’s Kitchen & Deli都唔錯。靜靜地傾下計，幾有情調，所以放工去試下。餐廳內光線暗暗的，真的如同事所講好有情調，適合情侶拍拖。另外有一些長枱，都適合一班朋友聚會。晚上有dinner set, 見到有海鮮拼盤好想食，但又好想試牛扒，所以今次先試set。先來了羅宋湯和蒜蓉包，羅宋湯茄味濃郁，蒜蓉包蒜味重，正！點了炭燒美國安格斯肉眼牛扒，七成熟燒得剛剛好。好有炭燒的香味，而且牛味濃，不用點汁都已經好好味！配菜有香草薯仔，薯仔煮得好香口，味道有驚喜！如果可以多幾粒就好了。另外點了香煎鵝肝牛肝菌扁意粉，一上菜已經聞到好香既鵝肝味，鵝肝好多汁，跟牛肝菌味道好夾。牛扒餐包一件朱古力芝士蛋糕，不會好甜、亦不會好漏，味道剛剛好，一個人可以食到一件！另外值得一提是餐廳服務質素非常好，員工好有禮貌，讓我感覺好舒服😌。